大阪 – LEGOLAND DISCOVERY CENTER

離遠見到呢隻咁搶眼嘅LEGO長頸鹿，就知道差唔多到達目的地！

大家可以選擇Walk-in，亦都可以先喺官網買門票。喺官網買門票，有得揀埋入場時間。

官網: https://www.legolanddiscoverycenter.jp/osaka/en/

去到商場門口，跟門票入場時間排好隊，職員就會跟時間安排入場。

由於要核對網上買嘅門票，去到門口位置都要再等一等，不過小朋友就唔怕悶，因為已經有LEGO俾小朋友砌住先 🙂 穩陣唔失預算提示 : 每個時段，都會先俾網上買咗門票嘅客人先入去玩，所以如果咁啱去到嘅時段係好多人，甚至Full咗，就要等耐少少先可以入場喇。

下頁：究竟入面有咩玩呢???

一開始我地就會模擬去咗個LEGO FACTORY，喺大型屏幕做一個自家獨一無二嘅LEGO Figure。有一秒狂想過會唔會真係有呢隻Figure送番俾我地呢?!?!最後當然冇啦，哈哈，不過每位小朋友都會收到LEGOLAND DISCOVERY CENTER嘅一粒LEGO作禮物，都好開心呀 🙂

場內有兩個大型少少嘅機動遊戲，一個就玩電子射擊，另一個就係踩單車版嘅「小飛象」:P

LEGO CITY PLAY ZONE，就即係PLAYHOUSE咁，跑呀、跳呀、瀡滑梯呀，絕對係放電之選！

下頁：男仔特別鍾意玩嘅砌車場

場內有個應該係男仔特別鍾意玩嘅砌車場，大小高矮肥瘦嘅車轆都有提供。男仔天生就鍾意玩「會轉」嘅物件，所以就算唔砌車，齋玩轆都夠開心滿足 XD

大大小小嘅LEGO POOL，小朋友可以係咁砌係咁砌LEGO

有一個特別少少嘅，將LEGO砌喺一個會搖晃嘅LEGO板上面。小朋友可以隨意調較搖晃嘅程度，試下自己砌嘅嘢有幾堅固!!!!

如果BB年紀仲未識砌LEGO，唔怕！因為有個BB Corner，可以砌磚頭咁大嘅LEGO，呢款係軟身嘅LEGO，所以絕對放心俾BB玩 🙂

野人近呢幾個月，開始超鍾意砌LEGO，所以佢地都有上場內嘅LEGO CLASS，增長下知識 🙂

下頁：4-D Movie Cinema

LEGO CENTER地方雖然唔大，但都有4-D Movie Cinema。

唔止小朋友玩得興奮，大人去到呢個MINILAND都應該睇得好開心。整個MINILAND會日與夜，夜與日咁交替，真係好靚！

如果暑假帶小朋友去大阪旅行，絕對可以考慮下去LEGOLAND DISCOVERY CENTER玩，因為喺室內玩，可以避暑嘛 😛