懷孕戒口

懷孕戒口

有BB後,好多準媽媽都會擔心唔知做錯咩或唔知食錯咩而影響懷孕,我都一樣,一有懷疑就上網搵或者問人,但資訊太多又亂,對於懷孕戒口,例如懷孕食雪糕,有人話得,有人又話唔得,一旦做咗或者食咗就大件事,除了要面對無數指指點點,更要承受內心嘅責備。初孕到目前都遇到好多唔知得唔得嘅問題,喺度同大家分享下,無100%對錯,始終每個人身體狀況都唔同,最終由你自己決定,以下提議只供參考。

撰文︰茄蛋媽

圖片︰新傳媒資料室、Thinkstock

懷孕食雪糕、凍嘢得唔得呀?


中醫話凍嘢係生冷嘢,影響子宮,有無懷孕都唔建議食。西方國家嘅孕婦照食可也,仲會自製好多鮮果Smoothie,營養角度無問題。雪糕都係奶製品,但我哋食之前要留意貯存方式,對於無蓋Cover/ 軟雪糕/ 手作軟雪糕,我都唔會食,因為呢類雪糕最易有菌,例如李斯特菌甚至大腸桿菌。

懷孕食雪糕 不是罪,雪糕都係奶製品,只要小心揀選就可以食得健康。
懷孕食雪糕 不是罪,雪糕都係奶製品,只要小心揀選就可以食得健康。

沙律宜小心 凍飲冰塊勿用生水

至於沙律,自己整嘅沙律,你可以好確定用咩水處理,如果喺餐廳食沙律,你可以確定到佢用咩水洗菜嗎?預先包裝嘅沙律菜都有機會受沙門氏菌污染,想食得安心建議大家親自整。最後要講嘅係凍飲,香港夏天真係可以熱到人體爆炸,但我哋都要小心選擇凍飲,個人覺得樽裝嘅還好,茶記嘅就免喇,始終唔知入面嘅冰塊係咪用生水製成,食咗攪肚痾都算喇,如果有菌或會影響BB健康。

沙律建議可免則免,尤其有煙三文魚更要避免食用。
沙律建議可免則免,尤其有煙三文魚更要避免食用。
食物安全
食物安全中心最近公佈元朗有雪榚店嘅雪糕樣本「大腸菌群」含量超標10倍,中心跟進緊。大家對 食物安全 有懷疑,可以留意返中心有咩公佈。

懷孕食朱古力得唔得呀?


好多孕婦都擔心食朱古力會攝取咖啡因而 戒口 ,但今次呢個重大發現,對於鍾意食朱古力嘅孕婦嚟講一定好開心。生果日報係2004年嘅一篇關於「孕婦吃朱古力誕開心嬰兒」報道指出,芬蘭有研究話有食朱古力嘅孕婦,生嘅BB會開心D、笑多D,文章裡面有研究數據,詳情自己上網搵搵。

但咪咁開心住,即使要食都唔可以過量,進食過量或會增加妊娠糖尿病嘅風險,而且食太多就肯肯定會發生 肥媽唔食B嘅狀況,產後瘦身就更加困難,想肥B唔肥媽,食嘅時候都要抑制吓份量。

雖然朱古力嘅咖啡因含量好少,只要大家都要注意份量,懷孕食朱古力 係許可的。
雖然朱古力嘅咖啡因含量好少,只要大家都要注意份量,懷孕食朱古力 係許可的。

懷孕可唔可以食……

究竟懷孕可唔可以食香蕉?火龍果? 豆腐花? 芝麻?咖啡? 奶茶? 壽司? 榴蓮? 蝦蟹?羊肉?蛇羹?蜜糖?唔舒服食藥又得唔得? 唔講食藥亦唔講迷信嘅野,齋以營養角度嚟講,以上樣樣食物都有佢嘅營養價值,對孕婦同BB都有幫助。不過,喺我哋食之前,為左BB嘅健康,不妨問一吓自己:

1. 處理過程乾唔乾淨?會唔會有菌? 例如壽司

壽司屬於孕婦不宜進食的食物之一。
壽司屬於孕婦不宜進食的食物之一。

2. 懷孕前食用,有無出現過敏感? 例如蝦蟹海鮮
3. 成份會唔會影響BB身體發展?例如咖啡/酒

中醫表示孕婦可飲用少量的咖啡。
中醫表示孕婦可飲用少量的咖啡。

4. 中醫角度係咩屬性,孕婦咩體質?會唔會令孕婦身體唔舒服? 例如香蕉

懷孕戒口
聽聞 懷孕戒口 不好吃香蕉,可是我每天早上都在吃香蕉乳酪麥片。但中醫指體質虛寒者就唔好食咁多香蕉了。

如有疑問請教醫生或營養師

每個孕婦體質都唔同,有人戒口戒得好清,亦有人樣樣都會照食,個人認為,只要唔係瘋狂地食,只要食物本身乾淨、無毒性,無令我哋敏感嘅,食一點點都何妨,除非你明知果樣嘢有毒有害,例如 懷孕吸煙 梗係唔可以啦;明知加工食品如火腿/ 煙肉會增加致癌風險,咪食少啲或者唔好食囉;明知食咗海鮮會出疹就梗係唔食啦、明知飲親蜜糖水都會肚痾咪盡量唔好飲或者飲少啲囉。準媽媽們,我哋可以揀嘅食物有好多,對於乜野食物對自己好/ 對自己唔好,自己要懂得分辨啊,共勉之。

更多精選內容