日本親子掃貨全攻略

日本親子掃貨全攻略

日本物價雖然高,但係而家啲Yen跌到落七算水平,相比之下日本貨其實都幾抵!不過平嘢唔代表冇好喎!好多人都知,日本人永遠都將質量最好嘅生產線留番喺當地,所以由化妝品到電器,就算全世界都有得賣,最好嘅貨色,都只會喺日本買倒!!

而家好多媽媽都鍾意買日本尿片同奶粉,都係貪日本貨有質素保證,不過其實啱媽媽同BB使嘅產品仲有好多!趁住臨近年尾,亦係去日本掃貨嘅好時機,一於plan定假期,入定啲Yen,飛過去大手入貨啦!

大減價

日本嘅大減價期,分別喺冬夏兩季。冬季就由12月尾到1月,夏季7月中去到8月尾。呢兩段期間,好多商舖都會大幅度減價,基本由七折起,向4折進軍!

福袋

1月大減價嗰陣,好多商家都會推出福袋,雖然唔知入面啲「餡」係乜嘢,不過日本人好均真,一般入面啲「餡」嘅總值,都會高於福袋嘅定價,所以一定夠抵,擔心搶唔搶到好過啦!

筍貨推介

Gladee媽媽袋

1

媽媽袋有兩個要點,一係功能設計要合理,二係要輕便,如果有齊兩樣,咁就fit哂喇!如果加埋「靚仔」,就更錦上添花啦!Gladee係日本當地好受歡迎嘅媽媽袋,設計經典,花款又多;質地又防水隔熱,又夠輕身,好拎又易洗。喺日本買嘅話,最平70蚊港紙左右就有交易,係咪抵先?

獅王坐月牙刷

2

坐月嗰陣如果唔做口腔清潔,好易會導致妊娠性牙齦炎,同牙周病。呢隻牙刷其實係為牙齦有問題嘅人而設計,比普通牙刷柔軟好多,因為刷頭角度設計獨特,刷牙受力均勻,清潔之餘可以同時按摩牙齦。

Betta奶樽

3

係奶樽之中嘅LV!所有奶樽都係採用人工製作完成,100%日本製造獨特嘅弧形設計,可以令奶樽入面嘅氣泡順住曲線上升,有效減少BB喺食奶嗰吸入過多空氣搞到嘔奶!仲可以減輕吸吮嘅時候承受嘅耳壓。個奶嘴仲fit哂下顎嘅閉合,可以培養BB嘅咀嚼能力。

濕疹膏、止痕

15

好多治療濕疹嘅藥物都含有類固醇,喺日本有兩隻不含類固醇嘅藥膏好受歡迎。一隻係佐藤製藥嬰兒軟膏,另一隻就係無比滴嬰幼兒止癢膏,專針對BB因為用尿濕而引起嘅紅腫、濕疹、炎症、爛眼、痕癢、凍瘡、蟲咬等各種皮膚症狀。佐藤製藥係膏狀嘅,無比滴就係水狀,前者適合一個月以上嘅BB使用,後者就適合三個月以上嘅BB。

Gino超方便輔食

16

其實佢算係一個加工夾,既可用嚟夾斷蔬菜、魚、肉、麵等食物,又可作為研磨器搗碎南瓜、 紅蘿蔔、薯仔呢啲塊狀食物。造型輕巧,好揸手,唔阻地方。仲配有一個專用盒,帶出街都好方便。

 

(圖片及部分文字摘自網絡)

更多精選內容