【開心玩樂單車遊】 將軍澳南海濱長廊

【開心玩樂單車遊】 將軍澳南海濱長廊

一講起『踩單車』我想大部分人(當然係包括我)第一時間會想起沙田一帶,不過愛豬號DADDY話唔洗去咁遠,近近地去將軍澳都一樣可以,仲大讚環境清靜舒服,所以就帶小小豬去 將軍澳南海濱長廊 踩單車一轉啦!

 

其實依度就係將軍澳南海濱長廊,當中設有行人路及單車徑,所以都有好多人前來跑步及踩單車。海濱長廊全程由調景嶺至日出康城,來回大約10K左右,如果邊跑邊行一個鐘就可以完成。

 

不過由於方便我地泊車,所以我地冇係調景嶺開始,泊好車之後就由寶盈花園旁嘅入口出發啦~
Picture

 

有得踩單車,小小豬就已經唔理我地,一支箭咁向前踩。好在…佢間中都會停係度等埋我地,都算佢乖啦~
Picture

 

單車徑的路面都幾寬闊,所以踩上嚟周圍都可以好多空間,唔會有車迫車情況,所以我個人都覺得幾啱小朋友嚟踩單車~
Picture

 

迥轉位都亦都好寬闊,而且地上標示都好清楚,所以都一定唔會逆線而行啦~
Picture

 

踩左一段直路之後,就踩上一段小斜路~
Picture

 

就到會到達跨海行人橋的單車路段啦~
Picture

PicturePicture

續下頁

又再有一個迥轉位~
Picture

 

成功轉左個靚轉嘅小小豬笑得幾得戚~
Picture

 

繼續沿住大直路開心地踩~
Picture

 

沿路有不少綠草的山坡及矮樹,雙眼全是綠油油景緻,多了一份郊外氣息~
Picture

 

不過亦都因為矮樹未長得太高,所以都感覺比較曬,小小豬要變身成為背心豬肉仔啦~
Picture

 

踩到攰(其實係我地兩個大人行到攰多啲),就坐係旁邊休息一下~
Picture

 

休息過後佢兩父子又繼續出發~
Picture

續下頁

我呢….都係留係度欣賞下周圍風景,望下個海又吹吹海風,真係勁舒服又適意呀~
Picture

 

我覺得單車徑同行人路以強烈對比顏色嚟分隔都唔錯,黃色係行人路而綠色就係單車徑,咁就可以減少「人車爭路」問題,大家都會安全好多嘛~
Picture

 

不過我見同場嘅人仕大家都好禮讓,好多專業單車人仕見到啲小朋友係前面,都會減速慢慢踩過小朋友身邊。大家互相禮讓,就能更加享受玩樂中的樂趣,依個先係大家想見到嘅情景嘛!

 

終於小小豬踩到日出康城那個入口,依隻傻豬仔見到啲人泊單車係度,佢又話要拍埋一陣,坐係路旁休息一陣哦~

Picture

 

去程就開開心心咁踩,不過回程就….已經攰到冇晒表情,仲要係DADDY半推之下返回我地嘅出發點呀~
Picture

 

其實小小豬今日都算叻仔,係熱熱地又曬曬地情況下,都可以踩咁耐單車,對仲有三個月就六歲的小朋友嚟講都應該合格。

 

夏天嚟到又係戶外活動好時候,為左小小豬玩得開心,最多我搽多少少防曬CREAM,所以有時間都一定要同佢去玩,相信依個海濱長廊單車徑都會係我家其中一個常嚟地方呀!

 

溫馨提示:如果你唔係住將軍澳,又或者唔方便帶自己單車嚟踩,我上網見有朋 友仔介紹係海濱公園附近嘅都可以有租車服務。將軍澳站嘅富康花園及富康花園都好似各一有間(我唔見有正確地址,只見文章話隨便問附近居民都可以幫到手), 有興趣前往踩一轉嘅朋友可以先上網搵定資料先啦!

 

BY 小小豬的成長日誌

更多精選內容