KIDZANIA Osaka – 達成小朋友嘅職業夢

KIDZANIA Osaka – 達成小朋友嘅職業夢

KIDZANIA,一個俾小朋友扮做唔同職業嘅遊玩場地。宜家好多親子旅行嘅熱門城市都有KIDZANIA嘅足跡,就証明呢個幫小朋友達成職業夢嘅地方幾受大小朋友歡迎 🙂 喺KIDZANIA玩,小朋友係要自己,冇家人陪同下,完成各樣職業,所以大家有冇諗過帶小朋友去日本嘅KIDZANIA玩,會出現雞同鴨講,溝通唔到嘅問題呢???我有諗過,我真係有諗過 😛 因為其他大部份嘅KIDZANIA都以英文為主,但到日本,好明顯就係99.9%講日文 (你見自己同日本人講英文,佢都同你講番日文就知 😛 )。不過睇野人玩完之後,大家應該可以憂慮全消 🙂

 

出發去大阪前,參考咗其他BLOGGER去KIDZANIA嘅經驗。為免去到先發現Full House,最好喺KIDZANIA官網預買定門票 🙂 網址:http://www.kidzania.jp/koshien/en/

每日分兩個場次:

早場:9:00am – 2:00pm

午場:3:00pm – 8:00pm

聽聞如果去早場,預埋排隊入場時間,要晨早6、7點爬起身去!!!!!!所以早場唔使預我,一定揀第二場! 😛

 

要去KIDZANIA,記住係搭「阪神電車」去甲子園站 (好多阪X車隊呀!!!!!唔好搭錯線!!!!!!)。甲子園站出站後,會見到有個巴士總站嘅物體。向著呢個方向,行兩、三個街口之後。。。就會見到呢個商場,亦即代表成功到咗KIDZANIA。。。附近 😛

1

2

再要穿過個商場 (真係要穿過,因為係一直行到尾,行哂整個商場!),見到KrispyKreme就到KIDZANIA喇

3

野人見到ANA個飛機頭已經相當興奮,因為佢地最想做嘅「職業」就係飛機師。

4

5

接下頁

KIDZANIA玩法同台灣BABYBOSS唔同。呢度每個小朋友會有張「打工卡」,只需要用打工卡,到心儀職業嘅地方預約好時間,直至預約時間到,再返去「打工」。中間等嘅時間就可以週圍行下、睇下表演、食下嘢。台灣BABYBOSS冇預約時間「打工卡」,所以要死守喺同一位置排隊呆等,咁樣比較下,KIDZANIA呢個做法好好多 🙂

6

不過 ! 留意唔可以一次過預約定多過一種職業,要每次玩完一個職業後,再預約下一個,所以要好好計劃「打工」次序。我略略向野人簡介有咩職業之後,佢地就開始自選行程。。。第一就當然係見到個飛機頭已經好HYPER嘅「我要做機長」。衛生問題,頭頂又要帶野人口中嘅「蘋果帽」 😀

7

雖然「雞同鴨講」,依然玩得投入!!!

8

9

繼續雞同鴨講咁做咗汽車生產員、消防員

10

11

12

接下頁

好有幸,野仔咁啱被安排坐消防車車頭位置,但亦都好搞笑,因為坐車頭嘅小朋友,其實要負責喺架車去緊火場時,用日文叫D途人「行開」,以免被車撞到。就咁,野人學咗AND講咗人生第一個日文字,哈!

13

每次打完工,都有糧出呀!!!!! (5蚊/職業)。打咗3份工之後,野人變咗富翁 😛

14

除咗賺錢之外,都有地方使「錢」。野人用佢地嘅「積蓄」去學車同埋租車揸。好認真,學車後,真係要考試!!!!!野人唔識日文,差D考唔到車牌 (講笑,其實職員點都會幫小朋友考到為止 🙂 )

15

16

車牌到手,去租車。做事好仔細、認真嘅日本人,設計到玩個遊戲都好迫真。租車要填Form!!!!!仲要有得揀車!!!! 😛

17

18

接下頁

野人喺駕駛方面,確實有D SENSE。由當年4歲扮6歲喺LEGOLAND揸車,已經揸得有板有眼 😛 到宜家KIDZANIA,已經識OVERTAKE,哈哈!

19

揸車之餘,中途仲有得去入油。如果我係小朋友,都會覺得好好玩!。語言唔太通嘅弟弟,做咗咩事搞到職員姐姐咁開心?!哈哈哈哈

20

21

KIDZANIA嘅街道、配件,全部都整得好仔細。身處其中,就好似喺一個小型社區咁 🙂 呢個小型社區,仲要好「自給自足」。就好似野人用打工錢去租車揸,中途幫佢地入油嘅就係其他打緊油站工嘅小朋友,嗰D小朋友打完工,會出糧,人工錢可以使咗去,亦都可以選擇儲喺銀行。而銀行又有另一班小朋友打緊工。。。所以整個KIDZANIA真係好生生不息,好好玩,唔怪之得愈開愈多KIDZANIA啦,哈哈哈哈~~~

22

23

24

25

 

更多精選內容