托腹帶唔可以亂用

托腹帶唔可以亂用

懷孕第18周嘅時候,開始肚凸凸、乳房再度發育,著開嘅Legging褲頭好緊,箍到個肚好唔舒服,加上早孕期成日胃氣脹、腰酸背痛,咁啱朋友講起「托腹帶」,又話用咗可以「扶正胎位」,一頭霧水下馬上搵資料啦,見到某媽咪既BLOG介紹 010呢隻托腹帶牌子,當日就飛車去入貨。不過,用到25周左右開始背酸背痛好嚴重,經物理治療師指正發現,原來托腹帶唔可以亂用

托腹帶
托腹帶

我去咗010銅鑼灣分店買托腹帶,裡面賣嘅托腹帶、胸圍都有台灣製造嘅標籤,售貨員小姐望一望我個肚就知個胎幾周,佢話見肚夠三個月就可以用托腹帶,以防胎位過低嘅情況出現。呢度有兩款托腹帶選擇,分別係中腹型同埋全腹型,佢推介咗最新出嘅抗電磁波全腹型托腹帶 HK$6XX 比我,佢話可以防電腦、wifi機釋出嘅電磁波、輻射線。

托腹帶
抗電磁波全腹型托腹帶

第一次用托腹帶嘅感覺係條腰馬上輕鬆好多,首先係減輕腹部下垂嘅感覺,腰骨承受嘅力都卸咗落盆骨,將原本腰患尾龍骨嘅痛楚減輕咗好多,不過,到25周左右開始,我嘅背部尾龍骨愈來愈酸軟,有時行得耐、企得耐,雙腳已經好攰,條腰好似無晒力支撐住個肚,情況愈來愈嚴重。

托腹帶
托腹帶

到31周去醫院安排嘅產前物理治療班,物理治療師解釋,呢一切係因為太過份依賴托腹帶了!主要原因係我好長時間使用,因為公司長時間對住電腦、屋企又有Wifi,以為戴得愈耐就愈好,點知因為長時間使用,令腰背肌肉依賴托腹帶而發唔到力,所以當個肚愈來愈大嘅時候,腰背亦開始承受唔到。

續下頁

根據物理治療師所講,原來托腹帶係唔可以成日戴住,佢建議孕婦可以按固定時間使用,例如返工果10個鐘,行行企企多就keep住戴,返到屋企或者坐Office多嘅媽媽,可以縮短使用托腹帶嘅時間。

產前運動
產前運動 (QE產前物理治療小冊子截圖)

另外,佢唔建議買一條有骨嘅托腹帶,除非係醫生指定,否則果種有三條骨嘅托腹帶,會幫我地卸晒d力,令我地腰背肌肉退化。佢亦建議我地平時要做多少少強化背部肌肉嘅腰部運動,鍛鍊背部肌肉,減低孕晚期發生嘅腰背痛,同時亦會有助生產時發力。

無鋼圈胸圍
無鋼圈胸圍 (010 網站截圖)

另外,同好多媽咪一樣,我都係計劃餵人奶,售貨員推薦無鋼圈嘅胸圍,除咗以防塞乳腺,佢亦屬於餵乳胸圍,可以甩釦,所以可以戴到生。試戴咗幾款無鋼圈嘅胸圍,感覺真係好無安全感,但最終都買咗兩個,連埋托腹帶,埋單折實HK$1,484。

餵母乳的乳房變化
餵母乳的乳房變化 (網上圖片)

其實戴無鋼圈嘅胸圍唔多唔少都會令乳房下墜嘅情況加快,但為左餵人奶都要犧牲少少,但建議大家買個質素好少少、承托好少少嘅餵乳胸圍啦。

無幾耐之前,喺Aeon 同埋 D Park賣孕婦用品嘅舖頭發現有台灣、日本嘅托腹帶、無鋼線胸圍,價錢經濟好多,而且有好多唔同牌子選擇,最經常聽到嘅有六甲村,以010 嘅價錢可以買到兩三條托腹帶了,不過喺度奉勸各位媽媽,買野前做功課先,喺價錢同質量之間取個平衡。

更多精選內容