醫生老婆搞 護膚 高皓正仔女超白滑

醫生老婆搞 護膚 高皓正仔女超白滑

一對仔女純意和神悅遺傳了父母的好皮膚,細仔更遺傳媽咪的鬈髮,高皓正的太太Jacqueline做醫生,專門為病人解決皮膚問題,對孩子 護膚 相當有心得。「小朋友一出世就開始保養喇,主要做番基本工作,即清潔、保濕同防曬,每日早晚都會幫佢哋用清水洗面,冇特別用洗面奶,之後用啲冇乜香味嘅保濕產 品,到朝早就用專為BB而設嘅防曬。小朋友出生後亦有為佢哋搽防曬,雖然BB並冇成日出街,但紫外線都可透過玻璃進入室內。」

護膚 重保濕最怕蚊咬

要防止皮膚敏感,甚至濕疹,Jacqueline認為保濕必須每日做足,面部早晚一次、身體沖涼後一次,選用的產品須低刺激性,適合小朋友。至今仔女都沒 有濕疹及任何皮膚不適,但最令她頭痛是蚊患,「俾蚊咬好多,尤其是BB被蚊咬完特別腫,仔女都鍾意去游水、出戶外玩,我都要做足防蚊措施,帶蚊貼、噴蚊怕 水、穿薄長袖衫,都係好難避免。小朋友俾蚊咬完反應好大,好易出水泡,最驚係細菌感染搞到含膿,咁就麻煩喇,所以一有蚊咬我就即刻幫佢哋搽藥膏,快啲消炎。」

14_256K_family_p2_6
在讀書方面,兩夫婦對此隨遇而安,亦明白在香港讀書就要符合香港的規則,不能求其讀一間,連面試班都有報,Zac說︰「會搵啲開心嘅班,主要想佢接觸吓人同環境,同埋我會陪佢上,一直坐喺出面,等佢知道爹哋陪住佢,好有安全感,而唔係掟佢上堂就走人。」

Jacqueline指最多家長反映濕疹問題,尤其過敏性體質的小朋友好易有,她建議一發現濕疹徵狀就須盡快求診,「手骹腳骹、面、頸出現皮膚乾燥、紅、 甩皮同痕癢,一定要盡快睇醫生,好多家長擔心用藥對小朋友唔好,但病情拖長仲難醫,影響睡眠質素、學習冇精神,甚至營養不良,因為家長擔心小朋友敏感要戒 食呢樣嗰樣,影響發育,所以一有徵狀就要睇醫生,開藥膏控制病情,之後只要做好保養,翻發機會就會好微。」

6_256K_family_p2_6

小朋友 護膚 建議
1 洗澡不建議用大人沐浴乳,太大香味及多泡,刺激性較高,可轉用少香味少泡,有滋潤成分的小朋友沐浴乳,或用baby oil、藥房買到的豬油膏,稀釋洗澡便可。

2 日常保濕最重要,沖涼後必須塗保濕護膚,不能懶惰。

3 夏日須塗防曬,流汗後要勤補,戴帽更佳,游水可穿防UV泳衣。一旦皮膚被曬到灼傷,會令皮膚色素不均勻,引起一撻撻白色,好彩的話會褪走,不好彩則會留印。

4 小朋友防曬用品一般SPF15至30便可,出戶外逗留時間長,才改用SPF50。

5 多用蚊帶、蚊貼,沒有難聞氣味;另可選天然驅蚊劑如香茅精、檸檬香及薰衣草等;而選擇含DEET蚊怕水時,切勿高過40%,有機會損害皮膚,一般10-20%問題不大。

 

撰文:Ling
攝影:Clay Lam(部分相片由受訪者提供)

更多精選內容