聖記冧冧豬 – 楊鎵字

聖記冧冧豬 – 楊鎵字

Garchia( 楊鎵字 ) 話自己係個唔識嗲聲嗲氣,比較男仔頭,又鍾意搞無聊爛gag嘅女仔,呢個既係佢嘅優點,亦係缺點。好處係容易同人熟絡啦,唔好處就係有時無聊得滯會俾人嫌佢低B啦! 不過,就係因為男仔頭,性格咪夠爽囉! 鍾意搞笑,個樣又識得笑,咁見到佢咪笑得好冧囉!

0359

見到”Garchia”呢隻字,真係連讀都唔識讀,連Garchia自己都話,個名係自己作架! (小編勉強拼個諧聲出嚟教吓大家啦! “嘉~殊~牙~” )阿Garchia而家喺赤柱嘅聖士提反書院讀緊中五,佢係由小學部一直升上中學架,佢話學校好注重學生學習環境,再加埋個無敵大同靚校園,令到佢好難唔對呢間學校有歸屬感同自豪感啦!

0093

Garchia係聖士提反第一屆IB學生,佢話成日都聽到人講:”嘩~ 讀,IB正啦! 日日攞住部mac上堂!又唔駛讀文言文同通識!” 其實真係好大嘅誤解! 佢話讀IB上堂係有多啲互動性嘅討論,唔駛淨係聽老師講,不過就要做好多Assessment,最後一年仲要寫份4千字嘅研究論文,都真係唔係咁輕鬆架!

0206

由中二開始,Garchia就俾啲friend叫佢做”豬”! 可能係因為比較有肉地啦,不過對於自己嘅外形,佢就話好知足架喇,不過如果可以縮細多一個size,佢就會更加滿意啦!

0297

讀IB都一樣要考公開試,Garchia出年就要考大學喇,雖然好多人話大學讀嘅未必同將來份嘅工作有關。不過心儀營養學嘅Garchia,就覺得呢科咁專業,如果讀到都會做相關嘅工作! 希望第時可姚入到澳洲或者英國嘅大學啦, 不過前提都係要夠分!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影:Simpson Chiu

拍攝: Anthony Leong

剪接:Candy

美術:C.Ming

Hair+Makeup: EM Makeup

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容