【大個仔 畢業 啦】香港公園外影篇

【大個仔 畢業 啦】香港公園外影篇

話咁快小小豬就K3 畢業 ,為左紀念人生第一次 畢業 ,所以就同佢去香港公園影輯靚相啦!

 

其實最初初我都冇依個打算,不過見學校出左張通告叫我地交錢去幫學生影 畢業 相,依個時候我就開始諗:小小豬平日係冇特別引佢嘅情況下,影相都係目無表情多,到影 畢業 相嗰日都唔會影得靚啦!

 

就係依個念頭,我就好似”叮”一聲咁諗到,不如買件 畢業 衫自己同佢去影,始終由我自己親自操刀,最知道小小豬係咩環境下係影得最靚同啱我心水嘛!

 

為左今次影畢業相,我就破戒又去淘寶買左件畢業衫,趁依今日小小豬畢業禮總採排改返上午班嘅時候,放學就去香港公園出發影畢業相。

 

我地有諗過好多地方係好啱影,不過最後我地係決定嚟香港公園嘅主要原因係…….因為我地係香港公園入面嘅紅棉路婚姻註冊處註冊,所以依個地方對我嚟講都幾有意義,所以我地第一個畢業相外影就嚟依度啦。

 

放學時都落雨,都有一刻擔心去唔到影相,不過好在天公造美,我地食完午餐之後已經冇落雨,而且仲開始有少少陽光,所以當然即刻GO GO GO啦~
Picture

 

可能小小豬知道畢業係好重要,所以佢非常合作,唔洗點引佢都可以都笑得幾靚仔呀~

Picture

 

香港公園個景又真係唔錯,就係依個茶具博物館前都已經係一個靚位啦~
Picture

PicturePicture

 

仲有一個大水池,影出嚟都唔錯呀~
PicturePicture

接下頁

我全日至愛嘅位置,就係依個小瀑布,我影完之後好多外籍人仕都跟我影依個位呀~
Picture

 

就嚟奧運,當然要入去依個奧運廣場影個奧運五環啦~
Picture

 

依個小位置係小小豬提意,佢話又有小花又有小水好靚咁話哦,當然係因為佢提意,影得特別開心,笑得好燦爛呢~
Picture

 

最後我地就去睇雀仔之前嘅再影多兩張正經啲嘅~
Picture

Picture

 

今日小小豬真係狀態大好,所以絕大部分都係影得好靚,笑得好開心,而我亦都好有滿足感!

 

原本我都有打算帶埋腳架,不過…放學直去,又要拎衫又要拎書包,仲要得我一個人,所以最後都放棄,有少少美中不足就係冇同小小豬影到合照。

 

不過唔緊要,既然買左件畢業衫,就即係幾時都可以去影,我為小小豬準備左嘅畢業BEAR BEAR都未出場。有左今次成功嘅經驗,所以嚟緊應該會再去唔同地方影多啲畢業相,到時再影多啲合照/家庭照先得!

 

BY 小小豬的成長日誌

 

更多精選內容