【 健康早餐 】香橙燕麥乳酪杯

【 健康早餐 】香橙燕麥乳酪杯

平日小小豬嘅早餐都係一杯奶或者再加個麵包,其實都有少少悶,今日就嚟攪攪陣,轉個新口味,同佢齊齊整個香橙燕麥乳酪杯,食一個快靚正嘅 健康早餐 啦!

 

我都係因為上次參加新奇士橙嘅EVENT,係席上跟林德信學整個依個香橙燕麥乳酪杯。嗰日食又覺得原來橙加乳酪個味又幾夾,再加上食左啲燕麥方塊又幾飽肚,所以就同小小豬齊齊整啦!

 

其實當日都用左幾款唔同材料,不過我地就係屋企自己整,所以就簡單啲,只係用香橙、燕麥方塊同埋低脂乳酪嚟整啦~
Picture

第一個步驟就當然係搣橙,為左訓練小小豬嘅手指力,我開左個頭之後就交俾佢接手搣埋下半場,又好似得得地,只係個橙皮唔多靚呀~

Picture

接下頁

之後個做法都好簡單,係杯底鋪上一層燕麥方塊,之後加上乳酪,再係上面鋪一層橙肉,再淋乳酪~
PicturePicture

然後重覆步驟直至覺得個份量足夠就可以食啦~
Picture

之前都有試過俾燕麥方塊加牛奶俾小小豬食,不過佢就唔多肯食(話唔好食哦)。但今次加落左乳酪佢竟然話好味,仲不停咁要添加,原來改變少少就可以有唔同收獲呀~
Picture

 

小小豬仲話非常好食,叫我下次都俾佢整依個早餐,但….佢提意將橙改為藍莓,話佢最鏗意嘅生果係藍莓。

 

其實…..計我話….係佢怕左搣橙就真,不過小小豬又冇講錯,又真係可以改用其他生果,咁下次就順下佢意買藍莓,等佢食得更加開心啦!

 

BY 小小豬的成長日誌

更多精選內容