BU 李治庭 –  洪助昇

BU 李治庭 – 洪助昇

著名音樂監製雷頌德講過,靚仔得女仔鍾意係唔夠嘅,靚仔到連男仔都唔會覺得你乞人憎,咁就最煞食喇! 而家嚟浸大電影學院,讀緊表演系Year 2嘅Aiden( 洪助昇 ),成個李治廷 + 洪卓立嘅混合體,拍攝當日,連見慣世面嘅兩位攝影師,都忍唔住不停咁讚佢靚仔,靚女化妝師就直頭望到眼都唔眨啦! 男女通殺,咁Aiden應該係一個好煞食嘅靚仔喇!

11691

Aiden中學喺灣仔嘅東華三院李潤田紀念中學畢業,佢就話自己讀書成績一般,唔係叻嗰渣,不過自細目標就好清淅,小學就已經立志要做一個演員,所以而家讀嘅課程,真係自己嘅首選架!

11543

細細個就好鍾意表演嘅Aiden,中學第一次參加歌唱比賽,就攞到人生中嘅第一個歌唱獎項,嗰次係佢第一次真正感受到乜嘢叫做享受舞台,亦都令佢更加確定自己嘅選擇!

11452

又鍾意唱歌,又鍾意做戲,好似好貪心咁! 不過Aiden都直言自己係鍾意唱歌多啲,唔止係因為啲同學仔成日讚佢唱歌好聽嘅,最重要係音樂有一股凝聚力,透過音樂交流,佢就可以識到更多朋友,又可以即時感受觀眾嘅反應!

11564

雖然Aiden嘅性格好慢熱,不過佢話自己表演慾好強,好適合做幕前表演架! 佢試過喺演一場情緒好激動嘅戲,一腳踢咗落個櫃度,仲踼瘀咗隻腳,證明佢投入嗰陣,都可以好忘我啦!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影:Clay Lam

拍攝: Anthony Leong

剪接:Candy

美術:C.Ming

Hair+Makeup: EM Makeup

場地提供: Palette Party Studio

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容