【親子好去處】沙田 香港文化博物館 「他鄉情韻—克勞德‧莫奈作品展」Claude Monet: The Spirit of Place

【親子好去處】沙田 香港文化博物館 「他鄉情韻—克勞德‧莫奈作品展」Claude Monet: The Spirit of Place

最近好Hit嘅親子好去處,去 香港文化博物館 睇莫奈畫展係其中一個,今日食過早餐後我哋就向沙田出發lu!
我哋由石硤尾港鐵站出發,搭一個站到九龍塘,轉東鐵又搭一個站到大圍,再轉馬鐵搭一個站到車公廟就落車喇


喺A出口行過去只需5-10分鐘,穿過條橋行過城門河再往右方行就會見到文化博物館



最先見到係牧羊少年咖啡.慢遞館,因為太多人喇,所以我哋都打定輸數一陣間下午茶唔會喺度食

<!–nextpage–>
麻煩咗媽咪先去買飛入場(成人$20/小童$10/芊芊$0),因為我俾呢個大主題裝置吸引咗,因為燈會不斷變色影相非常靚


我哋預先已經同小朋友講咗話今日會去睇一個畫家嘅畫,所以佢哋知道唔會有得瀡滑梯,而係一個比較靜態的活動


我哋搭扶手電梯上到一樓, 喺無特別指示下我哋先行入去展覽館5 (之後先發覺順序應該由展覽館3及4開始先)


入口有個展場概覽既立體圖!

行到入去同我自己想像嘅好唔同,因為我起初以為展覽廳室內燈光好光猛,點知原來裡面黑鼆鼆

第一個展區係一個好大的地方,叫做「吉維尼花園」一邊掛住好多塊布幕,設有投射裝置,影片將一日24小時的景像投射到每一塊布幕上,而每塊布幕卻併合成一個很大的風景像,太陽由右邊升起到日落,繼而月亮升起到了晚上,感覺很特別,像在3分鐘之間經歷了一整天的生活

旁邊放了一大一小兩個畫框供遊人影相

再進入另外一個展區係講述莫奈大師的生活,一個係「莫奈起居室」及另一個係「莫奈的飯廳」


飯枱上擺設了幾份餐碟及餐牌,餐牌是平板電腦,大家可以在餐牌上點選要吃的菜式,然後餐碟會配合投影像將已點選的菜式呈現在碟上,餐飲也會隨不同款式配合燈光效果轉變


跟住去到一個白屋的展區,這裡可供大家隨意在白牆上塗鴉,當然佢哋畫得好開心啦(不過始終燈光太暗了,畫得有點不暢快)




呢個擺設好多朋友經過都會多手去拎佢出嚟, 保安員要周不時在旁邊提醒大家係唔可以掂的(所以大家記住唔好攪呀)

離開咗展覽館5後我哋行番去展覽館3同4, 兩個館係打通的, 一個係入口一個係出口!

再入到去展覽館3就更加黑鼆鼆, 芊芊開始感到唔舒服一路嗌住要走
也難怪, 連大人都可能唔識欣賞而且愈行愈黑! 唯有一路安慰她說很快就會離開

終於到咗主菜啦! 就係莫奈大師既真迹名作, 可能我真係太年輕了, 所以未可以好似其他人咁企喺幅畫作面前欣賞十幾分鐘
而且小朋友都不會有耐性去慢慢欣賞, 只希望儘快離開這個黑暗地方! 所以我同媽咪只能夠輕渺淡寫的快閃所有名作(之後我帶小朋友到探知館, 媽咪回展覽館再重看一遍)




最後到了一個投射荷花池,大家可以控制平板電腦上的調色器,選取不同樣式及顏色的荷花,點選及呈現在投射荷花池上,一直看到有點悶的芊芊,這個時侯終於活躍番少少




離開博物館繼續向沙田公園出發, 見到咁大個李小龍同佢影番張相先

因為今次係展出印象派大師克勞德‧莫奈(Claude Monet)共17幅真迹名作,所以好多朋友都想親身嚟欣賞一下, 好在我哋早嚟, 離開既時侯見到行哂鐵馬出現人龍!!!!(好誇張噢!)

Photo byCANON 5D Mark III,Len|EF 24-70mm f2.8L USM

呀劍評分:9分

 

呀劍評語:巿對於認識莫奈或一直熱愛繪畫的你一定會很鍾意這個展覽, 不過如果年紀較少的小朋友可能會有點兒不合適, 當然給他們嘗試接觸一下也是無妨(只是大家要有點心理準備他們會嚷著離開)

他鄉情韻—克勞德‧莫奈作品展 簡介

印象派大師克勞德‧莫奈(1840-1926年)是西方繪畫史上最偉大的風景畫家之一,在近七十年的藝術生涯裡,他從不間斷地創作,捕捉各地景色的神韻。是次展覽與法國五月及法國國家博物館聯會 — 大皇宮合作,展出包括多幅法國公共收藏中甚具代表性的莫奈作品,呈現莫奈在風景畫上捕捉時間與四季微妙變化的天賦。 莫奈曾遊歷多地,終在法國小鎮吉維尼打造他的家園,在那兒創作了無數著名作品。本展覽特設教育專區簡約模擬莫奈的家、工作室和花園場景,帶領觀眾從不同角度認識莫奈的生平,以及他的生活和藝術創作的關係。


地址

香港新界沙田文林路一號

展覽地點

一樓專題展覽館三、四及五

展覽日期

2016年5月4日 – 2016年7月11日

開放時間

2016年5月4日至5月30日:

星期一、星期三至五:上午10時至晚上6時

星期六、日及公眾假期:上午10時至晚上7時

星期二:休館

2016年6月1日至7月11日:

星期一、星期四至五:上午10時至晚上6時

星期三、六、日及公眾假期:上午10時至晚上8時

星期二:休館

入場費 (一人一票計)

標準票(成人)

星期四至星期一: $20

星期三: $10

團體票(20人或以上團體)

星期四至星期一: $14

星期三: $7


優惠票 #

星期四至星期一: $10

星期三: $5

# 全日制學生、殘疾人士(及一名陪同的看護人)及60歲或以上高齡人士出示有效證明文件後可購買優惠票。

* 票務處於閉館前30分鐘關閉。

* 博物館通行證及月票持有人與四歲以下小童免費入場。

*本館特地為本地學校、慈善團體及非牟利團體安排特定免費時段參觀是次展覽,請按此下載申請表格。


交通

乘搭港鐵至車公廟站﹝A出口﹞,再步行約5分鐘;或至沙田站﹝A出口﹞,再步行約15分鐘,便可抵達。


聯絡電話

2180 8188

電郵

[email protected]

網址

http://www.heritagemuseum.gov.hk/

(以上資料更新至文章當日)

Facebook專頁:呀劍萬帥 kimfamilytraveltips
Blog網誌 :kimfamilytravel.blogspot.hk

更多精選內容