愉景灣龍舟嘉年華 玩攤位遊戲跳彈床

愉景灣龍舟嘉年華 玩攤位遊戲跳彈床

星期四就係端午節係紅日假期,難得有假放,但仲未諗到好節目?一於應應節,去睇龍舟競渡啦!愉景灣將於端午節當日舉行龍舟大賽及嘉年華,同場仲有唔少好節目,帶埋小朋友一齊去都唔怕悶場呀!

Untitled-2
40隊龍舟隊將於大白灣沙灘上一較高下。

免費睇比賽 必玩充氣城堡及攤位

六月九日星期四就係端午節,愉景灣將會有大型嘉年華,屆時大白灣沙灘有龍舟競渡,當日早上八點起,將有四十支隊伍包括愉景灣居民、企業及專業團體組等參賽,上映廿三項賽事,大家可免費現場近距離直撃緊張刺激的比賽。同時,沙灘上亦設有龍舟市集及親子玩樂區,當中唔少得美食及啤酒攤位,仲有多隊啦啦隊駐場表演為各位健兒打氣,當中包括迪士尼樂園的團隊更加唔可以錯過!而另一邊廂的愉景廣場,亦於同日早上十點半舉辨繽紛露天嘉年華,場內有專為小朋友而設的兩大充氣遊戲,包括龍舟型及以森林為題的充氣城堡,場內亦有七個有獎攤位遊戲及精彩的泡泡表演,一次過集齊食買玩於一身,相信不論大人細路都必可以狂歡一番。

 

Untitled-1
場內有親子玩樂區,當中有7項攤位遊戲,大家萬勿錯過。
Untitled-3
有龍舟比賽就自然唔少得啦啦隊,今屆由於有迪士尼樂園的代表參賽,所以亦有迪士尼啦啦隊登場!
Untitled-4
廣場內有免費的泡泡表演,小朋友最愛。
Untitled-6
場內一共有兩個充氣城堡,除了以龍舟為題外,亦有一個以森林為題的充氣城堡。

愉景競渡賀端陽暨嘉年華

大白灣沙灘 27屆愉景競渡賀端陽

日期:2016年6月9日(星期四)

時間︰8am-3:30pm

地點:愉景灣大白灣沙灘

費用:免費

 

愉景廣場繽紛露天嘉年華

日期︰2016年6月9日(星期四)

時間:10:30am-6:30pm

地點:愉景灣愉景廣場

費用:每張遊戲券價值港幣20元;顧客亦可前往指定的愉景灣餐廳消費,憑即日單一正本收據每滿$50元可換領遊戲券乙張;每張正本單據最多可換領10張遊戲券。

網址︰www.ddeck.hk

更多精選內容