【星球大戰™:入侵明日世界】傳媒預告活動

【星球大戰™:入侵明日世界】傳媒預告活動

謝謝香港迪士尼樂園邀請,早前參加左「星球大戰™:入侵明日世界」預告活動,我都覺得非常吸引,好想快啲可以玩亞洲獨有嘅《星球大戰》主題項目呀~
Picture

 

其實當明日世界由飛越太空山作特備活動進行準備工作而暫停時,相信好多迪士尼FANS(尤其係星戰迷)都一定好期待,好想知星球大戰版嘅明日世界會變成點。

 

有機會可以親身了解一連系列亞洲獨有嘅項目,內心真係何其興奮呢! 活動開始時就先由創意發展總監Mr. Kelly Willis為我地透露「星球大戰TM:入侵明日世界」的詳情~
Picture

 

「星球大戰 : 指揮站」,我會形容為一個集郵勝地,因為Chewbacca及機械人R2-D2就會係這個「反抗軍」秘密基地同大家見面呀~

Picture

 

「星戰極速穿梭」可以話係我最…最….最期待嘅一個環節呀~
Picture

 

之前嘅飛越太空山我同小小豬都好鐘意玩(係呀…隻大膽豬真係冇有怕呀),今次依個以《星球大戰:原力覺醒》為主場景,最特別就係輪候位置內打造成為反抗軍嘅機庫,當中擺效左一架1:1嘅「X-wing戰機」仲有機師嘅飛行服及頭盔,真係可以話未出發先興奮呢~
PicturePicture

 

「絕地聖殿武士特訓」就係最啱小小豬玩 ~
Picture

 

由6月25日起開始,一眾4至12歲嘅小朋友就可以化身成為「絶地小武士」接受絕地武士的訓練,攜手以原力撃退 Kylo Ren。唔知小小豬著上經典武士長袍,手拎星戰光劍會唔會好型仔…定係好傻仔呢…哈哈哈~
Picture

Picture

 

我地仲可以係「星球大戰:星戰光劍DIY」專區入面,可以選擇超過20款配件嚟親手製屬於自己嘅光劍,只要付款之後就可以帶回家慢慢欣嘗珍藏~
Picture

 

除左白兵之外,黑暗勢力嘅Phasma 隊長仲會係明日世界巡邏,有緣的話就可以同佢地集郵啦~
Picture

 

我地仲可以一見Phasma隊長及白兵添,隊長真係好有型呀~
Picture

 

為配合「星球大戰™:入侵明日世界」活動,樂園仲會係夏天推出以Kylo Ren 及R2-D2為主題門票呀~
Picture

 

香港迪士尼樂園酒店及迪士尼好萊塢酒店都為星球大戰™作一系列主題房間佈置,當中包括《星球大戰》主題門貼裝飾、拖鞋、床旗佈置~
Picture

 

除左傳媒之外,仲有60位星戰迷一齊參加,當中有兩位朋友為我地講解佢地同星戰嘅關係。認真講…佢地真係好利害,可以講得出各輯星戰嘅重點呀~
Picture

 

60位星戰迷…好莊觀呀~
Picture

 

為左今次主題,樂園推出超過230款《星球大戰》的主題商品,啱晒各位大小星戰迷啦~
Picture

 

仲有一系列星戰美食~
Picture

PicturePicture

PicturePicture

 

黑武士同白兵蛋糕,係咪好想食呢~
Picture

 

有得集郵當然係最興奮,次次入園都唔見白兵,依家可以一次過滿足兩個願望啦~
Picture

 

星球大戰™:入侵明日世界係6月11日就會推出,完全感受到迪士尼為左星球大戰™作出一連串嘅準備,真係好期待…我都好想快啲入侵明日世界呀!

 

BY 小小豬的成長日誌

 

更多精選內容