媽媽會講座

媽媽會講座

新手媽咪咩都唔識,入門課就係盡量參加多d 媽媽會。各大奶奶商、嬰兒用品品牌都會定期舉辦唔同題目嘅 媽媽會講座,教湊BB、孕婦健康飲食、生產過程、坐月資訊、產品資料…重點係大量試用贈品,幫 茄蛋媽做好產前資料搜集之餘,又幫補吓家計咁啦。由第10周左右開始到家吓37周 茄蛋媽 已經參加過廿幾個講座,今次主要係綜合吓參加咗咩品牌嘅媽媽會,禮品早就拆開晒無影咁多,希望呢個Blog可以帶比大家 最齊全嘅 媽媽會資訊,直接點擊連結填資料報名,唔駛上網四圍搵。

一、奶粉

雅培媽媽會 1月入會2月就參加到講座,不過當日嘅講座同 美素佳兒 撞期,最終揀左美素佳兒,到5月再抽到雅培「媽媽學堂」,除咗學同BB沖涼、懷孕飲食,仲教胎教。重點禮品係胎心機,早前係呢度轉贈比另一位有需要嘅媽媽。雅培每星期都有eDM詳細講解BB生長預測、媽媽一般會遇到嘅狀況,資訊同安排都好貼心。

FullSizeRender_8

媽媽會講座
媽媽會講座
媽媽會講座
媽媽會講座
美素佳兒 1月入會2月就有講座,算係我地參加過咁多過講座當中最大型,講座係金域假日酒店舉行,示範同BB沖涼、包被,場內有唔同攤位比媽媽爸爸試食燉奶、學習抱BB之類。完場買奶粉就送胎心機、優惠價報名上育嬰班,我地都報左一堂試吓。

胎心機
胎心機 (左-雅培講座贈品、右-美素佳兒講座買媽咪媽粉換購)
美贊臣

 4月份嘅A+產前講座,朗廷酒店舉行,完場登入指定網址做好問卷調查得到禮物,都幾方便&環保。

媽媽會禮品
媽媽會禮品 (BB出世後可以用U形枕嚟墊住BB餵奶。三角枕可以用嚟墊住孕媽媽個肚訓覺)
雀巢營養天地 3月講座講解懷孕健康飲食、生產過程、產檢資訊。4月再參加雀巢另一個講座,教嬰兒飲食、按摩。資訊同禮品都好豐富。

惠氏 入會送迎新禮品寄到屋企,禮品係藻油丸8粒裝& 媽媽奶粉 試飲裝。定期SMS胎兒發展資訊,簡短清楚。7月23日抽中佢地嘅「產前產後湊B實習班」,每人拎住一個布公仔學習點換片同埋沖涼。

媽媽會講座教授新手媽媽幫BB包被、沖涼。
媽媽會講座教授新手媽媽幫BB包被、沖涼。

IMG_9358

智多健 6月出席佢地喺灣仔小童群益會舉行嘅講座,主要係聽佢地嘅奶粉、鈣片優勢之處。呢個係咁多講座中最唔舒服嘅一個,首先係場地嘅摺凳,椅背中空,對於腹大便便嘅媽媽嚟講真係好辛苦,加上會場空間細,又坐滿參加者,想行出去伸展都唔得。以為捱完講座就走得,點知大會又派購物劵要參加者由會場步行三條街到指定嘅商店購物,當日完場後落雨,我同其他媽媽冒雨行到去更加要在店外排隊,都幾後悔…

NutriciaProgram 和 安滿Anmum 只有入會沒有講座。

二、陪月
Ubaby
 和 綠色育兒  屬於 陪月 網站,前者設有購物平台,兩個機構都會定期舉行唔同主題嘅講座,入會後大家可以留意佢地Facebook,因為佢地嘅講座資訊同報名方法一般都係facebook 更新。ubaby好多時都係聯乘其他品牌舉行講座,至於綠色育兒,我地參加過一個有關餵母乳嘅講座,聽完之後為母乳媽媽打支強心針。

IMG_9025

三、尿片 & 清潔用品
Huggies Pampers nepia妮飄   思詩樂 goo.N日本大王 Biolane
 以上入會都會有試用裝 / 迎新禮品寄到屋企,部份要讚好佢地facebook專頁先可以申請到試用裝,例如nepia。

尿片試用裝
尿片試用裝
BB清潔用品
BB清潔用品

四、其他

Cheerbaby樂兒網 屬於一站式幫拖入晒唔同媽媽會嘅網站,不過我無參加呀,反而係推介佢同唔同組織舉辦嘅講座,例如講嬰兒眼仔健康、疫苗講座、坐月滴雞精嘅講座等等,入會就有講座資訊。

Holle 有機食品品牌,入會後參加過佢同香港醫護聯盟舉行嘅「嬰兒有機飲食」& 7月底嘅「母嬰產後黃金期」講座,現場有攤位提供即場購買有機產品,人頭湧湧,佢嘅嬰兒米糊都幾受媽媽歡迎,兩次參加都有好大袋禮物送走,當中有好多健康食品、迪士尼美語世界嘅試聽版CD。

Holle媽媽會講座
Holle媽媽會講座
Holle 講座禮品
Holle 講座禮品都是有機的產品,當中包括嬰兒果汁、麥皮、孕婦花茶等等
Kinetics毅力

 疫苗注射中心,講座禮品非常豐富,即使入會都不睇彩數抽唔抽中講座。參加過一次,講解照顧初生嬰兒沖涼,主要係聽佢地嘅疫苗plan,想BB打少幾針可以Join佢。

生寶臍帶血庫 我地已決定政府順產,不過公院無儲存臍帶血嘅服務,只可以捐去紅十字會。如果你想幫你嘅BB儲臍帶血? 暫時只可以去私家醫院生喇。

健康創富 講座禮品非常豐富,定期舉辦唔同醫學講座。

香港醫護學會 定期舉辦唔同醫學講座,可自行按題目參加,我地參加過「嬰兒濕疹成因講座」,由皮膚科醫生、營養師講解。

IMG_8346
FullSizeRender_e

更多精選內容