【懷舊一番】得寶牛下新城

【懷舊一番】得寶牛下新城

得寶商場曾幾何時我都日日去,因為我係嗰頭返工(不過都係好耐之前嘅事啦),最近見佢地嚟個大改動,打扮得好懷舊,所以就帶小小豬嚟行一轉,睇下有懷舊啦!

 

其實未嚟之前都睇左好多平台介紹過,見都好似幾吸引,尤其係嗰個懷舊嘅磅同埋嗰一個涼茶鋪位,真係令我好有深印象,所以都帶點期待去睇下重新裝修嘅牛下新城有幾特別。

 

原來整個得寶商場就只有地庫那一層以懷舊佈置,雖然感覺上又好似少左啲啲,不過望入去又真係幾落本佈置哦。

 

依家真係好少見咁懷舊嘅磅,我記得細細個去跟家人去睇戲都一定要企上去磅一次先入場睇戲(大件事….爆左自己係咩年代添),估唔到依家到小小豬可以企上去磅一下~

Picture

 

個磅係可以用到,只要入$2就可以,都幾抵玩呀~
Picture

 

見到有跳飛機,小小豬又玩左一陣先肯走~
Picture

 

四周都有好多懷舊佈置,一啲特別嘅招牌又真係懷舊得嚟又幾攪笑~
Picture

PicturePicture

Picture
Picture

 

對住啲算盤,小小豬就好似新奇咁,因為佢之前未見過,我又同佢慢慢講呀~
Picture

 

巴士站當然係小小豬至鐘意嘅場景之一,係度扮等車都可以玩一餐,小朋友嘅天空就係咁簡單,只要佢鐘意,就一定搵到佢玩嘅方法~
Picture

 

終於嚟到我最期待嘅涼茶鋪,佢又真係佈置得唔錯,坐定定係度飲涼茶,又真係幾啱感覺呀~
PicturePicture

 

仲有兩個仿戲院嘅位俾人影相~
Picture

 

另外有一個懷舊屋佈置,小小豬細細粒影出嚟冇乜感覺,我諗成年人嚟影一定好玩啲~ Picture

 

飛機欖呀,就連我都未食過,不過小小豬話黑卒卒唔想食,所以就連我都唔俾買,唯有就係影左當食左啦….哈哈哈~
Picture

 

場內仲有一個美食廣場,大部分都係以前牛頭角下村食店嚟食度開店,原本都想試下好出名嘅漢寶包,但我地晏左,已經賣晒啦,唯有等下次先嚟啦~
Picture

PicturePicture

 

係牛下新城入面都有一間PLAYHOUSE,原本都想俾小小豬入去玩一轉,不過由我係外面望入去,地方又好似太細了,大人同小朋友已經好似迫爆左間店咁,所以都係唔入去玩~
Picture

 

牛下新城係有佢特別嘅地方,佢嘅懷舊佈置出大型店場比,又真係有啲特色。不過因為大部分嘅店鋪都好似未租出,所以行街地方又真係少左啲,如果可以開多啲店鋪,再加埋懷舊佈置,應該會更加吸引呀!

 

BY小小豬的成長日誌Picture

更多精選內容