兒童 足球班 最後召集

兒童 足球班 最後召集

歐國盃啱啱開鑼,城中又再吹起足球狂熱!今次香港足球總會聯同賽馬會及康文署舉辦了一個暑假 足球班 ,專為4至17歲兒童及青少年而設,連女仔都可以報名參加!整個活動由7月中開始踢到8月中,前後共十堂,之後仲有比賽踢,幾乎踢足成個暑假,但學費都只係$50,仲包埋訓練T恤呢!而當中最難得係,整個活動仲要冇篩選,所有學員同時可以參加訓練及小型比賽,實行人人有波踢的開心足球!

2
有別於以往的足球班,今次實行開心足球,不論球技,每個小朋友都有得參加比賽的機會。

寄信或親身報名仲有位

早前網上報名一開冇幾耐,所有「4至5歲」及「6至7歲」的細仔 足球班 好快就爆晒,網上系統顯示得返其他別班的少量名額!不過又唔使咁灰心,小編幫大家打過去足總查詢,負責人話「郵寄及親身報名」的名額,同網上報名係分開計,所以仲有位俾大家報名,加上以往不少人會報完名後放棄名額。換言之,只要下載表格填好後,以郵寄或親身報名交表(連同支票)的方法,就有機會報到以上兩個網上已full的「細仔班」!雖然職員就未有透露詳細的名額分配比例及餘下名額,但就暗示報得都會盡量收生,所以大家要趁住最後機會,快手報名啦!

1
$50就可以玩足成個暑假,完咗課程及後仲有比賽階段,一直去踢到去九月初開學。

續下頁

可自選五個志願班別

伸請表中,有5個自選班別可以填,大家可按小朋友的年齡層、居住地區及上課時間來選舉班次,就好似報學校一樣揀志願咁,第一志願full咗就順序落第二志願,如此類推。另外,大家填表時記得順手選擇埋「隨機編配」,萬一自已選擇的5個名額全部已滿, 主辦機構將隨機編排任何地區的同年齡班別給學員,咁就萬無一失啦!

4
上課地點為全港各區的硬地足球場,不需穿釘鞋,安全得多。
3
如果大家想幫4班7歲的小朋友報名的話,就要把握最後機會,郵寄或者親身去足總交表!

賽馬會青少年足球發展計劃-暑期推廣2016

報名日期:即日至6月24日

上課日期︰7月18日至8月20日(比賽至9月4日)

年齡︰4至17歲

費用︰$50(網上報名只接受信用卡及繳費靈付款;郵寄只收支票)

查詢︰2712 9122

購票通網址︰www.cityline.com(餘少量名額)

足總地址︰ 九龍何文田佛光街55號

足總網址︰www.hkfa.com

報名方法︰於「購票通」報名;或香港足球總會網站下載報名表格,並郵寄至香港足球總會或親臨香港足球總會遞交。(信封面請註明:賽馬會青少年足球發展計劃-暑期推廣2016報名。)

更多精選內容