親子最愛 玩樂 燒烤場

親子最愛 玩樂 燒烤場

夏天又嚟,大家都會約埋家人或者朋友去燒烤,而城中的收費燒烤場就係最方便之選!家長帶埋小朋友去燒烤,最煩就係驚佢叫悶周圍走,又怕係玩時俾叉整傷或者灼傷。其實有唔少收費 燒烤場 除咗有得食之外,亦有專屬的玩樂場俾小朋友放電,細路食飽就可以係場內玩個夠,冇悶場!

1
白石燒烤場的草地除了可燒嘢食外,亦有劃分區域俾小朋友玩。
6
白石及小欖兩個 燒烤場 內,本身也有充氣城堡,今夏更加入滑水版本。

今夏最新水上充氣城堡

首先要介紹的就係白石燒烤同埋小欖 燒烤場 ,今次兩個燒烤場將於今個暑假一齊舉辦「充氣水上樂園」,有如兒童專屬的Slide The City,要入場燒烤先有得玩!兩個場內各自都有十多個充氣城堡俾大家玩,滑水梯、滑水賽道及大水池當然就唔少得,小欖充氣水上樂園有6條充氣滑水梯及3個水深約70厘米嘅充氣水池。而白石燒烤場方面,同樣有3個水深約70厘米嘅充氣水池,比小欖多4條滑梯,當中有一條是高5米、長達12米的巨型滑梯,有關設施要去到當日先亮相,相當神秘呢!另外,兩個場都設有水槍迷宮, 水彈戰區,食飽飽就一於嚟個水戰降下溫啦!

 

2
「極速滑道」一個長10米的充氣賽道,唔知加咗水會唔會快啲呢?
3
歡樂水城高7米,一滑而下一定好爽!
4
深70厘米的水池,好適合小朋友消暑呀!
5
今次有呢兩個水上滾輪,仲唔係扮倉鼠?

續下頁

兩場各有靚海景

講返燒嘢食,前者小欖 燒烤場 設係海邊,但環境就不是主角,任食才是主打!雖然要收返$30開爐費,但由早食到晚又包兩包炭,閒日大小同價都只係$80,真 係抵到不得了!而另一邊廂的白石燒烤場,食物以套餐計,亦可以散叫,但價格就唔算平,好在就有返個無敵靚海景相伴,仲有免費日落附送。場內設施都好新淨, 有埋冷氣房出租,係門前燒烤,再入房打牌打機都得,對家庭客來講更是相當方便。

9
白石燒烤場的食物供應以套餐及散叫,以海鮮及高級食材為主;而小欖的就是任食肉類多。

 

10
小欖是任食場,環境較為迫。
11
白石環境優美,海景可望到日落。

 

小欖充氣水上樂園@小欖燒烤樂園

營業時間:2pm – 1am(周一至周五)、11am-1am(星期六 、日及假期)
舉行日期︰7月16及17日、23日及24日、8月20及21日、8月27日及28日、9月 3日及4日
活動價錢︰ $120(11am-1pm )、$150(1:30pm-3:30pm、4pm-6pm)、$300(三節)
燒烤收費︰$80/位,大小同價(周一至周五)
查詢︰2459 9928
地址︰屯門青山公路小欖段(鄰近水警宿)

網址︰bbqbeach.com.hk

 

白石充氣水上樂園@白石燒烤

營業時間:1pm – 11Pm(周一至周五)、10am-12mn(星期六 、日及假期)
舉行日期︰7月1至3日、7月30及31日、8月6日及7日、8月13日及14活動價錢︰$180(11am-1:15pm )、$220(1:45pm-4pm、4:30pm-6:45pm)、$200(6:15pm-9:30pm)、$380(三節)
燒烤收費︰$750起/5人套餐(周一至周五)

查詢︰2744 8188
地址︰新界馬鞍山白石第1950號
網址︰www.whiteheadbbq.com

 

備註︰

活動每名18歲以上成人每節只可帶同一名1米以下小童免費進場

1米以下小童不可獨自進場

不設年齡限制,請自行照顧同行小童

請穿上合適裝備入場

設更衣室、沖身區及儲物區

續下頁

15
中央有大草坪,小朋友喪跑放電一流。

大草地餵羊 免費充氣城堡

熱門單車路線之一的大埔大美督,區內就有一間 燒烤場 ,佔地逾四十萬呎,中間萬呎大草坪專俾小朋友放電而設,場內亦於假日時開設一個充氣城堡任玩,仲有一個 滑梯裝置,仲有六隻羊仔俾大家餵添!燒烤方面,有齊港式、韓燒及重慶燒三款,均用炭爐明火,而且仲係任食任添三個鐘,如果人多夠七個,更可以一次享用兩款 燒烤!食物方面先送一人一個韓式或重慶式試食盤,其餘任食的則繼續無限放題。場內仲有特色的戶外蒙古包,只有十多個,早訂位有着數!

13
場內的玩樂設施全部免費,這組滑梯也是不用錢的。
14
除了港式燒烤外,亦有重慶燒烤,坊間少見。

大美督嘉年華燒烤場
營業時間:2pm-12mn(周一至周五)、12nn-2am(周末及公眾假期前夕)
地址:大埔汀角路汀角地段17-29 汀角村對面
價錢:韓燒或重慶燒(任燒三小時)成人$168,小童$118;
港式燒烤(任燒四小時)成人$150,小童$100,另收開爐費
查詢:9802 6611

續下頁

 

16
俾$100可以全日任玩充氣城堡。

充氣城堡 全年開放

如果小朋友鐘情於玩充氣城堡的話,屯門呢個新富泰 燒烤場 就最啱!場內重點不是食物,而係玩樂設施,場內有五、六個充氣城堡,全年都有得玩,不是期間限 定!俾$100就可以穿梭各個城堡玩足全日,場內更有另一個免費的遊樂場俾大家玩!最抵讚係,仲歡迎大家帶埋狗狗一齊嚟玩呢,大愛!呢個任食燒烤,閒日嚟 成人價都係$110食足全日,小朋友同埋長者就平$10。

17
$40先玩得15分鐘,唔抵!
18
場內的這個遊樂場是免費的。
19
場內歡迎寵物入場,很大愛呢!

 

新富泰 燒烤場

營業時間:2pm-12am
地址:新界屯門虎地下村50號
電話: 2469 8000 / 2469 8708
燒烤收費︰$110(成人)、$90(小童及長者),另收$50開爐。
活動收費:$40(15分鐘)、$100(全日)
網址︰www.facebook.com/futaibbq

 

續下頁

 

21
除了燒烤外,圖左邊的水上滾輪一定要玩呢!

燒烤套餐 靚景園遊

新界方面,天水圍的沙江圍有個綠田園 燒烤場 ,場內佔地五十萬平方呎,場內設有多項玩樂,除了充氣城堡外,仲有坊間少見的水上大滾筒、水上單車及電動車等,小 朋友玩足一日都唔捨得走!園中有湖,亭園景致怡人,有自耕農莊、靈龜池、錦鯉池、養蜂場及靈芝菇菌種植場等,是為一站或的康樂消閑場所,十分適合一家大細 前往,於周末享受寬敞的大自然環境。燒烤方面,採取套餐型式,有約十款食物供應分量就分四位起及八位起,包九支飲品,炭要另外購買。

{"IPTC-DATA":"NMG","data":{"photoID":2052119}}
動物型的外貌不是電動車,需要大家上下移動先行得呢!
{"IPTC-DATA":"NMG","data":{"photoID":2052113}}
今時今日的小朋友,有冇試過遊湖餵魚呢?
{"IPTC-DATA":"NMG","data":{"photoID":2052120}}
手動的上水艇也很好玩呢,不過水池太小有機會撞船。

天水圍綠田園

燒烤收費︰$820(8至9位套餐)、$530(4至5位套餐),已包用品及開爐。
活動收費︰活動$30起/一節(約10分鐘)、水上車$80(約20分鐘)
地址︰天水圍沙江圍側(天水圍西鐵站乘的士約$25)
查詢︰2472 6848、2472 6797
網址︰www.yl.hk/green

 

續下頁

{"IPTC-DATA":"NMG","data":{"photoID":2051654}}
場地寬闊,加上種有多植物,環境很舒適。

環保樂園 靚景多嘢玩

呢 間環保農莊 燒烤場 ,位置雖然較為遠,位於新界錦上路,不過西鐵站一出就係!場內佔地約六個小型足球場,以環保農莊為主題,有機農田、太陽能及風能發電機等 都有,不過小朋友到場都聚焦去場內的玩樂店,因為場內有多項活動玩,包括單車、電動車、餵兔仔及兒童War game等,如果夏天嚟仲可以打埋水戰都得呀!講返正題,場內燒烤為四個鐘頭內任食,而且款式多多,冰凍汽水包2罐,以$100價錢有找嚟講,絕對係抵 食!眾多食物中,老闆向筆者極力推介場內最平平無奇的「麵包」,厚切多士不論塗上牛油定蜜糖都一樣咁好味!最驚為天人的反而係洗手間,乾淨到不得了,十分 抵讚!

photo-2
用Nerf gun打wargame,刺激好玩又唔痛!
{"IPTC-DATA":"NMG","data":{"photoID":2051661}}
大量名車在此,$20起可以租玩,任君選擇。
除咗War game之外,小朋友仲可以玩水戰,睇嚟要帶多2套衫俾小朋友換先得啦!$40,15分鐘
wargame仲有水戰版本,睇嚟要帶多2套衫俾小朋友換先得啦。

 

錦上路環保農莊燒烤場

營業時間:1pm-11pm
收費︰$120、小童$70、2歲以下免費(任燒4小時),已包用品及開爐。
活動收費︰War game $40(15分鐘)、電動車$20起(10分鐘)、餵金魚$10
地址︰錦上路四排石村60號(西鐵站A出口旁,穿過隧道即見)
查詢︰5335 1000
網址︰www.yl.hk/gf

 

續下頁

22
場內的燒烤區有蓋遮頭,不怕下雨。

壙埌草地 放電樂園

錦田鄉村俱樂部都有 燒烤場 ,場內唔同嘅遊樂設施比大小朋友一齊玩,不過呢到地方夠大,場內中間有個超級大草坪,面積有約兩個足 球場咁大,同小朋友係草地上吹波波都有排玩啦!另外仲有得玩電動車、飛碟碰碰車、餵兔仔、射箭同釣魚等,附近亦有士多啤梨園,啱晒怕悶嘅小朋友!而燒烤方面,任食 4小時,每爐最多10人,包2包炭,場內仲有小賣部、洗手間及免費停車場,配套完善。

30
大家食飽後可以去餵羊咩咩!
200904301342387385950030
玩樂設施有一系列電動車,小朋友最愛玩呢款三輪車。
{"IPTC-DATA":"NMG","data":{"photoID":2249314}}
戶外碰碰車,作為家長的你又有幾耐冇玩過?
{"IPTC-DATA":"NMG","data":{"photoID":1857517}}
想回味當年的家長,可以玩吓呢款電動車,大人都玩得。

 

錦田鄉村俱樂部

營業時間:10am-9pm
收費:成人$118、小童$78
地址:元朗錦田水頭村684地段109號
查詢:2442 0909
網址:www.yl.hk/ktcc

 

更多精選內容