【免費體驗】VR父親節派對

【免費體驗】VR父親節派對

上星期帶小小豬去上畫畫堂之後,我地就去九龍城賡場打算食午餐,無意中發現為左慶祝父親節,佢地有三個唔同種類嘅遊戲俾人免費體驗,有得玩我地當然唔放過,所以食飽飽之後就去玩啦!

 

其實VR之前係APM都見到有得玩,不過一見到要百幾蚊玩幾分鐘,真係好唔多抵,再加上一向我地都少俾小小豬接觸電子遊戲活動,所以就當然冇去玩。

 

我地食完午餐之後冇意中發現依張海報,咁剛好我地手上又有一張剛才飲茶碌咭單據,咁就貪得意帶小小豬去玩一轉啦~
Picture
Picture

 

原本都只係打算玩一個遊戲,不過小小豬見到又話好想玩埋其他兩個(但其實佢都係唔知玩乜..哈哈),咁見佢今日上畫畫班時老師都有讚佢做得好,所以就破例一次俾佢玩嗰兩個VR遊戲。

 

就係依個時候,趁兩父子去排隊時,我就上去一樓麵包店隨意貫兩樣食物,由於玩遊戲單據係不限金額,所以我就用八達通分開俾兩次錢,咁咪有三張單可以去玩三次啦~
Picture

 

小小豬第一個玩嘅就係電動平衡車遊戲~
Picture

 

排左15分鐘左右,終於都到小小豬,佢一著上裝備就係度扮型仔呀~
Picture

 

其實要身高120CM先可以玩,但哥哥都好好人,年紀細嘅小朋友都俾佢地玩(之前有一個仲細個小小豬呀),不過年紀較細嘅小朋友玩時哥哥就全程保護住,真係細心啦~
Picture

Picture

 

依個遊戲都有一啲小比賽,先踩一轉電動平衡車,之後就去拋圈圈~
Picture

Picture

 

再踩一轉電動平衡車返回目的地~
Picture

 

最後畫一張父親節圖畫就完成~
Picture

 

係指定時間內完成就可以有小禮物,當然…..小小豬咁慢就緊係冇獎品,不過有份幅父親節圖畫俾DADDY都好啦~
Picture

 

之後小小豬就去玩VR瘋狂過山車~
Picture

 

戴上VR眼鏡,再戴上一盤波波就可以玩啦~
Picture

 

遊戲玩法就係玩VR過山車時,企位係會郁動,要小朋友保護啲波波唔好拋下呀~
Picture

 

當然…..小小豬唔洗三下就已經全部倒晒,仲開始有啲驚,要捉住個欄杆。最攪笑係尾段,小小豬竟然尖叫起上嚟,佢話由好高跌落嚟,所以急唔住尖叫左出嚟呀。不過小小豬都話好好玩同好刺激,好似玩緊Space Mountain呀(哈哈哈…佢個心又掛住迪士尼啦)~
Picture

 

最後玩嘅一個遊戲亦都係我地排得最耐,其實一次過可以兩個人玩,每次都係五分鐘,都唔明白點解我地排左30分鐘先玩到~
Picture

 

唉..算啦…小小豬肯乖乖排隊,我都唔理咁多,總之最後我地都可以玩到就得啦~
Picture

 

小小豬話依個係空中戰機遊戲,佢話要射啲戰機,不過佢話依個麻麻地好玩,同埋話部VR眼鏡好重哦~
PicturePicture

 

唔覺唔覺我地又玩左個幾鐘,雖然就好似悶左啲啲(指我呀),不過小小豬就話玩得開心,仲話下星期要再嚟過,一定要再玩多次電動平衡車。

 

哈哈哈…小小豬始終都係鐘意玩車多過電子產品!(咁我都安心啲)

 

BY 小小豬的成長日誌
Picture

更多精選內容