【鬧市中的單車樂】九龍城 賈炳達道公園單車徑

【鬧市中的單車樂】九龍城 賈炳達道公園單車徑

自上次我地去左將軍澳南海濱長廊踩單車,小小豬成日都讓著要我地再帶佢地踩單車。不過之後嘅天氣都一直唔好,所以都未能成事。終於見今日天氣都幾好,見我地出開九龍城活動,所以就近近地嚟賈炳達道公園單車徑,一解小小豬想踩單車嘅慾望啦!

 

Picture

 

出門口時真係陽光勁好,到我地參加完活動之後先發現原來曾經落過雨,一見地面上有濕濕地時,小小豬都有丁點失望。但我見天氣都唔錯,太陽伯伯已經出返嚟,再加上地上水氹又唔算好厲害,只要我哋慢慢踩都應該係唔會有問題。所以我哋就向 賈炳達道公園單車徑 出發啦!

 

Picture

 

其實依個單車徑我地都唔係第一次嚟,早係小小豬細細個兩歲多時都已經嚟玩,不過嗰時就係坐DADDY車尾,冇得自己踩,依家大個仔就可以嚟自己踩。嚟 賈炳達道公園單車徑 都真係幾方便,係九龍寨城公園同九龍城廣場旁邊,而且入口就係大路旁,所以絕對係一個鬧市中可以享受單車樂嘅好地方呀!

 

未出發前當然要認下啲路牌先啦~

 

Picture

 

我覺得公園又幾好,將啲路牌展示晒出嚟,等小朋友一陣踩單車時可以留意一下,咁踩嘅時候就更加安全啦~

 

由於我哋有揸車,所以就可以自己帶部戰車嚟玩。不過其實單車徑內都有單車租借服務,租車費用都係大約$30至$40一個鐘(租車時另加按金),所以如果有需要或者即興時,都可以嚟租車玩呀~

 

Picture

 

好啦….可以開始啦,由於整個公園係以單線行車,所以其實都幾安全呀~

 

Picture

 

單車徑有平路,亦有幾個斜路路徑,同時三條唔同斜坡路段嘅天橋係整個單車徑穿插~

 

Picture

 

沿路都有好清楚嘅地標,只要跟住嚟踩咁就冇有怕啦~

 

Picture

 

Picture

 

續下頁

當踩上天橋位時,又有路牌提示要減速慢駛~

 

Picture

 

一落左橋小小豬又嚟努力向前衝了~

 

Picture

 

Picture

 

其實周圍環境都真係唔錯,周圍都係綠油油,我沿途跟住小小豬單車尾行,都覺得好輕鬆(當然仲係感覺有啲熱啦….哈哈哈)。雖然有一片小草地,不過我哋唔好行上去踩啲草呀,因為有告示寫住唔可以踩上去,要守規則同愛護環境呀~

 

Picture

 

恨左踩單車好耐嘅小小豬,真係玩得特別開心呀~

 

Picture

 

仲特別神氣添~

 

Picture

 

下頁:內有圓型單車練習場

小小豬慢慢踩,大約20分鐘左右就係單車徑內踩左一個圈啦~

 

Picture

 

除車一條單程單車徑之外,仲有一個圓型單車練習場,應該就係用嚟練習花式單車嘅地方,見冇人就俾小小豬入去跟住啲箭咀踩一轉啦~

 

Picture

 

Picture

 

係單車徑只係踩一轉又點可以滿足依個小小豬呀,不過我行左一轉之後都真係勁攰,所以接下來就由DADDY陪佢啦。依隻百厭豬以為自己好勁,見到同場有其他哥哥企度踩佢又嚟跟住學~

 

Picture

 

當然咁危險係唔可以啦,最後就乖乖地坐好慢慢踩啦~

 

Picture

 

如果小朋友太細個,或者係初學嘅小朋友,就可以入嚟依個兒童單車遊樂區,咁就可以練習多啲熟多啲,先再出去單車徑玩啦~

 

Picture

 

Picture

 

一個看似簡單但其實係好豐富嘅地方,有時間都真係可以嚟多啲,等小小豬踩多啲單車訓練下腳力,同時都可以係一個好優質嘅親子時光呀!

 

BY 小小豬的成長日誌

Picture

更多精選內容