兩小無猜初 約會 純情小浪漫

兩小無猜初 約會 純情小浪漫

人仔細細,原來都可以好Sweet好細心!英國多塞特郡就有位五歲小朋友Freddie仔,見完父母出街 約會 之後就十分好奇,問個究竟甚麼是 約會後,繼而就有樣學樣!Freddie仔決定儲錢約「世上最好的朋友仔」Dee Dee妹妹來一趟浪漫 約會 ,點知放閃程度高到見晒報,真係醜死怪!

寄信約食飯

大家估下膽大心細的Freddie仔會點約呢位青梅竹馬的「朋友仔」去街食飯?好似大人咁打電話?又或者send Whatsapp?不不不!誠意十足的Freddie仔,就選擇寄邀請卡去Dee Dee屋企信箱,信中寫道「致Dee Dee︰我想係你五歲嘅時候約會你。」經過慢長的等待後終於有答覆,同時Freddie仔亦終於儲夠錢,仲買埋新銀包仔去赴約!究竟餐飯食成點呢?

1
Dee Dee妹妹盛裝出席Freddie仔的約會,兩人仲手拖手,真係好鬼sweet啊!

 

續下頁

悉心打扮送花球

約會當日去食兩位最愛的Pizza Express,兩位小朋友都盛裝出席,Dee Dee打扮得靚靚仲戴埋花圈,而官仔骨骨的Freddie仔,仲貼心地送埋花球俾Dee Dee呢!店員被兩位小朋友的窩心「 約會 」深深感動,決定呢一餐幫兩位埋單,而在送上甜品雪糕時,仲鬼馬地為在餐盤畫上多個彩色心心,配合返兩位的「小情侶」形象,真係好識做啊!

2
鬼馬的店員刻意為甜點點綴上彩色心心!

家長同場暗中監視

其實子女 約會 這情況遲早都會出現,但「五歲」又真係早到離譜,做為家長的在這時候真係唔知好嬲定好笑!其實今次 約會 得到雙方家長同意,早在兩位小朋友未出世時,兩位媽媽早已經係產前班的好友,兩位小朋友自出娘胎已是好友。加上今次 約會 其實仲有Freddie仔家長在場暗中監視呢!Freddie媽話︰「囝囝一直都好重視約Dee Dee呢件事,我仲教佢要記得好多細節,例如如何氹Dee Dee開心及協助她點菜等,囝囝仲準備埋花球送俾Dee Dee呢!我覺得呢個約會好窩心,見到兩位小朋友求過美好時光,我都好高興呢!」原來Freddie仔有媽媽出手相助,唔怪得知咁叻仔啦!

3
食飽飽仲攬頭攬頸走,睇嚟真係好friend咁喎!

急到婚紗都買埋

約會 過後,仲有冇下文?Dee Dee就話好享受同Freddie仔今次 約會 ,仲大讚個雪糕啲心心仲好靚呢!小編心想,呢個甜品,應該甜入心扉吧?而Freddie仔就話︰「Dee Dee係我世上最好的朋友,我很喜歡我們今次的 約會 ,我仲想約多佢一次,因為…………佢好靚。」童言無忌,因為永遠最真摰,同時亦最叫人哭笑不得。唔知Dee Dee又想唔想再次赴約呢?Dee Dee媽就大爆囡囡秘密︰「雖然兩個小朋友性格好南轅北轍,但也彼此喜歡大家。上次跟她去街時,她連婚紗都已經揀定了!」唔知呢對青梅竹馬,最後會唔會真係結得成婚呢?

 

撰文︰Pan

更多精選內容