【越污糟越快樂】Artistic Mess

【越污糟越快樂】Artistic Mess

小小豬仲乜攪到成隻污糟咁呢….其實依隻污糟豬係玩得不知幾開心,因為今日帶左佢嚟參加Ludus Club嘅Artistic Mess活動,嚟體驗一下「污糟」咁去玩藝術呀!

 

就好似之前我講過,小小豬真係一個零畫畫興趣同雲藝術天份嘅小朋友,雖然我都曾經有帶佢去參加下啲畫班,不過始終都係未遇到位老師可以幫佢增加依個畫畫興趣。

 

另一原因就係我唔想做怪獸家長去迫佢做啲佢完全唔鐘意嘅嘢,所以我都冇再好刻意咁同佢出去上興趣班,平日係屋企同佢做多啲同畫畫有關嘅活動,希望可以慢慢幫佢改善。

 

要令小小豬對畫畫有興趣,咁就一定要由要等鐘意先得,有咩好得過從遊戲中學習呀,有得自己鐘意點玩就點玩,小小豬就實鐘意,所以帶佢嚟Ludus Club參加Artistic Mess,等佢可以跟住老師指示,用油彩係大型畫紙上嚟個污糟一番啦~

Picture

 

嚟個污糟畫之前,老師就先同一班小朋友嚟個熱身遊戲,就係將手掌塗上油彩,之後印係牆上大畫紙上~
Picture

Picture

 

小小豬有幾投入,睇佢熱身遊戲時就已經頭髮都有油彩就知啦~
Picture

 

用手掌小試牛刀之後,就開始加難度,老師係小朋友手上塗上油彩,之後盲係牆上大畫紙碌..碌…碌咁將顏色塗上去~
PicturePicture

PicturePicture

Picture

 

之後老師就準備左唔同形狀嘅工具,請小朋友塗係地上畫紙。平日唔鐘意幫手掃打嘅小小豬竟然揀左個拍,不過就係扮掃地咁將油彩塗上畫紙上。見佢依個玩法都唔知好嬲定好笑,但其實創意依樣東西都冇對與錯,最緊要係佢可以用自己方法去做而又係玩得投入嘛~
Picture

PicturePicture

Picture

 

掃左一陣地之後,老師又分別拎出另一種工具,教小朋友彈印~
Picture

Picture

 

不過,小小豬對彈印就興趣不大,佢都係鐘意拎住個噴水樽噴啲油彩~Picture

 

嘩…開始入戲肉,依個時候老師每人俾一支油彩,叫小朋友們吱向家長。我聽到就當然係即刻九秒九閃人,不過原來小小豬個目標都唔係我,佢走去吱啲老師,佢真係大膽都冇朋友呀(不過後來問返佢,原來係老師吱佢先呀…哈哈哈)~
PicturePicture

Picture

 

終於嚟到終極污糟,就係小朋友坐係盆油彩,等全身都有顏色,然後就嚟個終極碌碌碌。依個時候一班老師仲同小朋友齊齊互動,氣氛真係超正呀~
Picture

PicturePicture

PicturePicture

 

最後老師就用小朋友集體創作嘅污糟畫,齊齊扮火車呀~
PicturePicture

 

由頭至腳…由外至內(真係連內褲仔都濕晒),基本上全身冇一個地方係冇顏料,真係想幾污糟就有幾污糟呀~
Picture

 

好在我一早收到風係咁污糟,所以小小豬身上那套衫都係一啲唔多合身嘅衫,玩完報廢都冇咁肉痛。 老師們都好細心,為各大小朋友提供暖毛巾等我地可以擦乾淨身上嘅油彩~
Picture

 

雖然係玩得非常污糟,不過小小豬就玩得超級盡興,全場冇時停周圍塗,佢仲叫我買張大畫紙返屋企再玩過!(係屋企…當然係NO WAY啦)

 

真心覺得依個活動係唔錯,而且又真係唔貴$250就可以1成人及1小童參加,可以瘋狂咁去污糟一個鐘,依啲機會平日我地真係唔機會可以試(完全冇可能發生係屋企入面啦)。所以如果夾到時間,我想都帶小小豬嚟多幾次,等佢可以由另一個角度去感受畫畫興趣!

 

BY 小小豬的成長日誌

Picture

更多精選內容