《 沒有起跑線? 》 Irene媽FB自爆真心話

《 沒有起跑線? 》 Irene媽FB自爆真心話

昨晚TVB首播的育兒節目《 沒有起跑線? 》引起全城熱話,其為片中的受訪者Irene媽媽的出位育子言論,如「贏在子宮內」及「贏在射精前」等,惹來全城家長及網民圍插,成為眾矢之的!在節見播出後,Irene就係自己個人Facebook內公開發表心聲,希望大家注意怪獸家長呢個現象,不過佢提及「做」呢個字,好惹人懷疑呢個節目其實係真人show,定還是係夾份做戲呢?最後佢話作為一個孕婦,在節目出街後遇到網絡欺凌,的確有壓力,而且街外人對她的看法如何,她控制不到,但要多謝晒咁多位朋友關心。唔知大家對佢呢番「真心話」,又有甚麼睇法呢?

12140126_10153190834347636_5701055140344837826_o
Irene不時在自己Facebook更新家庭照。
11244492_10152999812247636_527242162644578587_o
在節目中懷孕的Irene陀的是第二胎,早有一個兒子。

 

續下頁︰睇「Irene心聲」全文

全文如下︰

「沒有起跑線?」個節目預告短片播出後 收到好多朋友既關心..好感動.因為大家都好關心我受到網絡欺凌會影響陀B情緒,會問我點鮮要做到自己咁怪獸「沒有起跑線?」「?」其實個節目好有意義的.透過誇張痴線ge「怪獸家長」.就算唔係我做.邊個做都會俾人圍攻.我都好感恩可以參予(與)呢個「沒有起跑線?」節目拍攝.見識左好多 學識左好多野.

當我見到預告片下的留言.其實我真係百感交集.有人焦點落係「怪獸家長」係好事.因為大家討論「怪獸家長」存在問題.係節目希望帶出既事..而有人焦點落左係我呢個「媽媽」度..成年事錯晒…仲要「人身攻擊」… 呢個又係現今社會既另一個問題..好鐘意「網絡欺凌」…大家都係為人父母..有冇需要去詛咒我全家呢?好明顯我係懷孕中的媽媽..媽媽們一定知道陀B好辛苦…咁樣攻擊對你有好處?其實為人父母應該以身作則..有個好榜樣..個人品德都好重要…假如被網絡欺凌的係你小朋友…你會點?我知道有人一定會話..「車,你拍得就預左俾人話」基本上而家個社會.係講咩做咩都會俾人話…我知我澄清都係晒氣…識我既人.見過我既人一定知道我係咩人.其他既街外人我控制唔到.亦冇需要去理..我只係想同關心我既朋友講聲唔好意思..要大家擔心我….

我可能高估左我自己EQ ><”

另外….我被太多人詛咒la…想接收留多d祝福…

所以同大家玩過(個)小遊戲^^我就黎生日la.想送小小心意禮物俾同樣為人父母既大家 只要大家 1.加我做朋友 2.Like………

 

13450940_10154254673206575_3200503497415821855_n
事件主角Irene在自己Facebook撰文大爆心聲,但及後已刪除文章。

 

撰文︰Pan

 

 

 

更多精選內容