呂慧儀 直踩2間幼稚園 3個興趣班 唔畀瞓晏覺

呂慧儀 直踩2間幼稚園 3個興趣班 唔畀瞓晏覺

今集第三集,到 呂慧儀 (長腳蟹)出馬返幼稚園,佢仲話幫2歲嘅囝囝做定功課咁話喎!你以為返幼稚園easy job啦,應該比陸永返小學相對較易應付?家長們,咁諗你就太天真了!

今集一開始跟虎媽返學,在路上已經要玩「串字」遊戲,連搭車食緊早餐嘅時間都唔放過,真係分秒必爭。

現象一:「半人獸」家長先叫正常!

 

虎媽Athena︰我都唔算好怪獸啦,亦唔係係好虎媽,當「半人獸」吧,依家咁先叫正常架!

7

現象二:返全日有午睡時間,而返2間真係可以學足6個鐘!

今集亮點所在的就係「返兩更!」同埋………「返兩間」!講緊嘅係長腳蟹體驗當今最極端的返學方法,有家長幫子女報兩間幼稚園,放學後公廁換衫再返學!

4

5

現象三:用盡每一秒學習

長腳蟹︰「以為可以食個包休息下,點知都要串字,爭在未連廁所都入埋去指生字串!」

1

2

下頁:3個興趣班等緊你

「真正」放學後,在虎媽Athena催促下仍「力學不倦」,因為等緊長腳蟹的,仲有國家級級教練游泳班、電腦程式編寫班及跳舞班。

現象三:人哋學5個興趣班,唔通你一樣都唔學咩?

Athena兩個囡囡都上六個興趣班,話唔佢哋想大學後先嚟後悔,因為嗰時已經冇得返轉頭。人在江湖,其他小朋友學五個興趣班,自己小朋友冇理由一樣都冇,因為加上時間不多,其實得K1同K2去為小學鋪路。

K06

K03

現象四:做功課要計時,10分鐘一份

拖住疲倦的身心返到屋企,快手食完飯後又到全日壓軸的精彩的時間………做功課!虎媽Athena仲要幫大家計時,十分鐘內要完成一份!點解?一來量多;二來要習慣平時考試模式,因為考試時一旦唔夠時間做,你就算識都冇情講架啦!

6

其他金句︰

長腳蟹︰我梗係想小朋友有多啲接觸大自然時間,但香港個教育制度係咁,要睇吳克儉頭嗎!

長腳蟹︰我以為幼稚園學生,諗住應該可以去公園玩下咁,點知係連經過嘅機會都冇呀!

虎媽Athena︰「家陣人人都一齊去考私立學校,咁自己冇證書,人地一手都係,一比較下人哋就係Well prepared。」

虎媽Athena:「媽咪已盡了責去栽培仔女,所以仔女第時學唔掂,唔可以怪我當年冇去俾你學嘢。」

下頁有:專家分析「一日讀兩間幼稚園」,精神壓力大

對於「一日讀兩間幼稚園」這個做法,教育專家趙榮德 (趙sir) 認為值得商榷,他解釋:「原因有幾個,其一為子女一日走兩間學校,會疲於奔命,舉例,每一間幼稚園都有自己的校服,如果一日讀兩校,便要在上午校放學,立即換下午校校服,而通常上午校於十二時放學,下午校於一時卅分上課,即是說,孩子只有大概一小時換校服及食午飯,試問家長在短短一小時多,在那裏替子女換校服及進食午膳呢?在家?在公園?在私家車內?」

趙sir亦分享有朋友女兒,在九龍東及九龍西兩間幼稚園分別讀上、下午班,朋友的住所偏離這兩間幼稚園,因此要女兒在公園換校服及食午膳。女兒勉強捱了半年,有一天進食中,她突然嘔吐大作,掩着肚子對媽咪說:「媽媽我好辛苦呀,日日咁啃住嚟食飯,我可唔可以唔讀下午班呀?」媽媽見女兒聲淚俱下,惟有點頭勉強應承。

其實除了在公眾地方換校服及狼吞虎嚥進食午膳外,還有其他缺點:「尤其教學方面的適應,如在讀音,上晝那間幼稚園把body(身體)這個字讀英國音body,下晝那間卻教學生讀美國音bardy;在串字, 上晝那間教顏色串法為英式的colour, 下晝卻教美式的color;上晝那間學生多,要求嚴謹,下晝那間學生比較少,比較自由。試問學生應跟哪一個讀法、串法及教法呢?三歲小孩子眼中只有黑與白,對與錯,沒有灰色,即是只可以信一個老師,如果他接納了上晝那間老師的所有讀法、串法和教法,他便不會接受,不會相信下晝那間老師的一切,用這樣上課模式,豈不令他對老師不信任,無形中增加她的精神壓力?」

總括來說,趙sir認為「一日讀兩校」這種做法弊處多,令孩子在身體及精神上承受不少壓力,不敢苟同。

撰文:Pan, Heidi, Fiona

相片: TVB截圖

更多精選內容