虎媽

3大星級 虎媽 狂谷子女成材

育兒

廣告

呢幾日全城都被「起跑線」效應洗腦,家長們都在討論得如火如荼,應否幫小朋友報乜班物班,或者邊位家長係虎爸 虎媽 ,邊位又係怪獸家長等等,總之各有理據,教仔方法這話題沒完沒了。點解永遠有啲小朋友係到名校,又或者多項興趣樣樣皆精?今次一於睇睇幾位星級 虎媽 ,睇吓佢哋點樣為安排仔女學業,伸可以訓練到小朋友又叻又乖!

區倩怡 狂谷雞精班入名校

囝囝郭令山在九龍區數一數二的名牌私校保良局蔡繼有學校入讀,該校每年吸引不少家長爭崩頭為子女報讀!周老公郭晉安在囝囝幼稚園時,已經安排多個興趣班如英文班、溜冰、拼迫及畫畫等,單係興趣班學費已每月過萬。除了催谷囝囝外,區倩怡亦自我增值考多個牌及做義工,為的就係搏加面試分,最終令仔仔入讀心儀小學!應該叫佢廿四考吧?

 

續下頁

吳君如 虎媽超嚴教出叻女

吳君如係在圈內出晒名的愛女,同時亦管教得好嚴!有報導指囡囡陳是知每年花過百萬學費栽培囡囡,單係playgroup已經年年十萬,仲有報大量琴棋書畫的興趣班,囡囡考入南區私立貴族學校的弘立書院。而在家也營造出一個獨特語境,平時用英文及泰文同囡囡溝通,所以年紀小小已一口流利英文。而且生活習慣亦訓練得極為規律,不論放假式返學,一律早上7點起身;汽水及零食等一律謝絕,只吃健康的有機食物。就連睇電視都有要求,如高質如外國英文歌舞節目先睇得。

 

續下頁

關詠荷 7碩士幫女補習

張家輝同關詠荷育有一女Brittany,曾有指夫婦二人為錯為女揀學校而搬屋,目前囡囡讀德瑞國際學校,學費每年十幾萬,由幼稚園、小學中及中學都是一條龍升學。據悉,夫婦幫囡囡報多個興趣班,英文、德文、公文數、體操及溜冰等,更請來七個碩士幫囡囡補習,個個都係海外名牌大學畢業,一星期七日車輪戰,認真誇張!

 

撰文︰Pan