OU甜美吃貨 –  劉安娜

OU甜美吃貨 – 劉安娜

喺OU讀緊護理嘅Onna ( 劉安娜 ),本來立志要做護士架,但係自從兩年前加入Model行列之後,佢就打消咗呢個念到喇!你可能會話:「女仔就係咁善變架啦!」又唔係喎!佢為食嘅性格,係始終如一架!佢仲話想搞一個推介美食嘅平台,實行有好嘢,大家一齊食啦!
13623

最初Onna想做護士,係因為想幫助病人,但係對護理了解得更多,就更覺得:預防勝於治療,所以可能推廣健康資訊俾人知,會實際啲!

13374

就嚟DSE放榜喇,作為OU護理系嘅師姐,Onna都有啲面試嘅貼士醒大家嘅! 首先面試嗰陣最緊要係放鬆,唔好緊張,要表現出自信。衣着方面,顏色最好就柔和啲,整齊嘅便服就ok喇!

13218

Onna自認係「吃貨」,最鍾意就係試新餐廳同新嘢食,成日都會望住餐牌,樣樣都想食,唔知點揀好。佢仲會將啲好想食嘅餐廳,save喺電話入面,平時得閒就會去食,食完就好好似達成咗願望咁開心!

uuu

除咗食,Onna最近都學緊煮嘢食,我最鍾意就係整早餐 ,多數西式為主。因為一起身可以食到早餐,就會覺得充滿活力,好精神!多數會自製三文治,或者食麥片呢類輕食啦~

13431

Onna話,其實仲想試多啲唔同嘅嘢,除咗學廚仲想學吓剪片同拍片,或者學吓做運動教練,或者營養顧問咁啦,如果第時可以將興趣變成事業咁就最好喇!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影:Clay Lam

拍攝: Anthony Leong

剪接:Candy

美術:C.Ming

Hair+Makeup: EM Makeup

場地提供:Le Secret by MioXpace (9711 9533 )

 

 

 

更多精選內容