4招幫BB 輕鬆加固; 還有分享BB加固的份量同次數

4招幫BB 輕鬆加固; 還有分享BB加固的份量同次數

4招幫BB 輕鬆加固

 

1. 尊重每個BB的差異

對媽媽們而言,BB幾時開始加固好呢?比BB食D咩好呢?真係一個頗為難的大問題。其實只要根據BB的月齡,提供BB固體食物餵食建議只係一個概括性的標準,並唔係一定要跟足。BB係你既,你最清楚佢可以去到邊,食到咩?重要原則係唔好勉強,e.g.接受度較高的BB,可能會比標準快,而且食量亦可以較多。相反較慢的bb,就算月齡已過,但進度同份量都可能比標準慢同少,甚至可能有時會比較反覆同有倒退的現象。

媽媽們應瞭解呢段時期BB成長慢,唔代表將來都係慢。唔好有一種加固係一定要即時做到的心態,亦唔需要因為為份量夠唔夠而焦慮。應以輕鬆的心情,享受同BB溝通一齊分享餵食樂趣。

 

 

2. 配合BB加固的時機

一般黎講,大家都會係BB大概4-5個月,Around 6-7kg時幫BB開始加固。而早產BB可能要到7kg,大約七、八個月以上先開始加固。 我自己呢就係足6個月先比Caydan Ramsey 開始加固的。

其實到咁上下你自己都可以觀察到BB,如果BB出現對大人食物有興趣,伸出手想拎,嘴仔係咁好似咬野咁同埋流口水的現象,呢個就可以係開始加固體食物的訊號啦。

 

3. 首先比BB適應用匙餵食

一旦觀察到可開始加固體食物的訊號之後,最初可以先整比奶粉稍微稠的糊仔,先用匙餵一口試下放近BB嘴仔。由於係BB出世之後首次接觸固體食物,所以一般會乖乖接受的機會唔大。大多數BB初次用匙,通常會因為害怕而拒絕。對月齡較小的BB而言(細過4個月),仲有可能會用舌頭將D野食推出的反應,所以會更加無法順利加固物的步驟。

如果咁的情況發生,就唔好強迫BB食,可以隔一日再試。如果都係失敗的話,就可以試間隔多幾日之後再試。只要能夠有耐性咁重覆餵比BB,相信最終BB都係會接受的。係呢個訓練期間,可以比唔同形同埋唔同色的匙當玩具咁比BB拎下,又可以比BB試下放入嘴,咁就可以比BB習慣對匙的接觸。


 

4. BB初期咀嚼需要多次反覆練習

媽媽們可能都會發現,當將固體食物放近BB嘴仔個陣,BB有時會發出好似好開心的聲音。但並唔係次次餵都會順利的,有時見到BB高興的表情,好似應該會食哂咁啦,但係之後BB又會無啦啦拒絕食,又或者將D野食由嘴仔吐返出黎(排出反射extrusion reflex),有時仲會突然間大哭。有些媽媽可能會強行將D野食硬塞入BB嘴仔,最好就唔好咁做,因為BB同大人一樣都係會有情緒唔好或者食慾唔好的時候。所以唔好迫BB一定要係訓練期間食哂,如果真係唔肯就可以等到下次再嘗試吧。


 

BB加固的份量同次數

 

BB 5-6個月大時

加固的份量 :

澱粉質類的食物由一小匙開始,每隔2-3日增加一匙,直至加到半碗為止,可考慮煮成比較稠的粥;蔬菜類就由1小匙,逐步增加到4-5匙;蛋白質類(如魚、肉)就可以由1小匙,增加至3-4匙(蔬菜同蛋白質類都應先用水煮後blend碎)。

加固的次數 :

加固餵食的次數可設定為2次(e.g. 第一個月1次,第二個月改為2次),相對母乳或者奶粉就可以減為4次。

 

BB 7-8個月大時

加固的份量 :

澱粉質類食物可以開始改為煮軟的粥,份量可設定為半碗或大半碗;蔬菜類則在水煮後blend碎,由5小匙增加到10小匙;蛋白質類份量可以在5-10小匙不等。

加固的次數 :

可固定為每日2次,奶品類則改為每日3次。

 

BB 9-12個月大時

加固的份量 :

澱粉質類食物則可直接煮成粥或軟飯,份量可以成碗上啦;蔬菜類就可keep住食食10小匙;而蛋白質類都係可以食10小匙。

加固的次數 :

可依BB對奶類食品的喜好程度,將固體食物的次數訂為2-3次(如果厭奶比較厲害的BB,就可以只給2次母乳或奶粉),而奶品類則減為3或2次。媽媽們只要記得副食品與奶品的每日總餐數仍保持5次即可。

 

睇完之後希望各位媽媽都可以對加固了解多DD啦,唔洗好似我最初幫孖寶加固時咁緊張同擔心。 另外,市面上有好多形形式式的產品聲稱係用來給BB進食的,大家要對自己有信心,無人比你更了解你的孩子。唔好受生產商或親友的左右,給了BB錯誤的用具同示範,反而剝奪了BB初期的咀嚼訓練。仲要均衡奶同固體食品的食用次數同份量,唔好勉強,盡力去順勢引導。付出我們媽媽有的最大耐心同信心。 加油


 

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]

關鍵詞
BB加固

更多精選內容