夏日喪玩 室內彈床 超大場地任跳

夏日喪玩 室內彈床 超大場地任跳

早前ifc個針織遊樂場一推出之後,吸引全城家長的青睞,大家都好想一齊去玩彈彈繩網,但可惜好多人投訢報唔到名,結果一場歡喜一場空。如果真係想玩彈床,唔使要咁麻煩,小編介紹兩個好玩又方便的 室內彈床 場地俾大家,適合親子一齊去玩,放假唔愁冇好去處啦!

 

萬八呎室內彈床館

在電影內見到演員輕功、飛簷走壁的彈跳畫面,總會幻想自己有日都可以咁跳來跳去,依家有機會了!美國有十四間彈床樂園的RYZE,首次衝出海外,在香港經 營佔地萬八呎室內彈床樂園,是繼新加坡後亞洲第二個!入場登記之後,即可到後面的廣闊彈床區,任跳都唔嬲,除了一格格的彈床之外,場內亦有配合彈床一齊玩 的閃避球區、入樽區等,將以前覺得遙不可及的高空,跳兩跳就可以觸碰得到!

j01
場內有一個獨立閃避球場,可以拎起地上軟綿綿的波,和朋友來一場高空熱血閃避球!
j03
強力橡筋橋最考驗平衡力,害怕的話天花板有繩子幫助你平衡。
j02
在平衡橡筋隔籬有一個彈床跳台,仿似跳水般直接飛身去海綿吧!

 

閱讀更多

※如欲率先接收資訊,請讚好我們的FB專頁:https://www.facebook.com/SundayKiss/,並於「已讚好/Liked」選單設定「搶先看/See First」,多謝支持。

延伸閱讀

天水圍天幕釣蝦場 $128任食燒烤

6大童年經典卡通暑假襲港

續下頁

今次Ryze 選址市區,交通方便而且室內又唔使日曬雨淋。但不要小看跳彈床的運動量,我們大人小朋友一行五人,跳足一小時已經汗流浹背,官方話連續玩彈床一小時可燃燒 一千卡路里,而且樂園表示未來更會推出彈床健身班,彈住減肥亦得,夠晒健康好玩!不過建議小朋友玩彈床之前要做熱身運動,特別是下身部分,如果唔係跳來跳 去好容易扭傷,而且場內冷氣都幾勁,建議大家先帶定外套保暖,玩到熱先除衫。

j04
場內有一個正規的籃球架,自己嘗試利用彈床入樽;斜台除了是彈床外亦可以做滑梯。
j05
在彈床跳多幾下,增加彈跳力,一跳可以掂到沙包,簡單又可以挑戰自己;場內有不同用品供借用,例如滑浪板在彈床上做不同的滑浪騰空動作。
j06
在練習池簡單啲可以嘗試下前後空翻落水,或者轉體翻騰兩周半都得。唔使下下都在同一格彈床跳,可以打個側身空翻,跳去隔籬彈床,有型嘛?

轉體翻騰高階動作

入場跳咗一陣熱身後,在R y z e 場內周圍有職員落場當值,除保障大家安全之外,你都可以向他們請教一招半式,例如在彈床跳起前後空翻,在練習池轉體兩周半落水都得,又有趣。除此之外,場 內亦有好多不同裝置,幫助大家在跳彈床的同時增添趣味,好似天花板有一個長條型沙包,你可以考驗一下利用彈床的彈跳力,跳高掂到沙包甚至捉住懸掛在空中, 夠晒刺激!

 

RYZE Ultimate Trampoline Park

地點:北角渣華道321號3樓

時間:9am-11pm(星期五及六),9am-9pm(星期日)
收費:成人$150/1小時、六歲以下小童$95/小時
查詢:2337 8191

續下頁

13_237K_lifetopic

花式彈床 飛檐走壁

上年最新落戶九展BOUNCE HK室內彈床店,係嚟自澳洲嘅過江龍,是為本地第二間大型彈床店。佔地兩萬二千呎,全場有八十幾張彈床,全部硬物都包有軟墊保護,家長們可以放甩韁繩,安心俾小朋友喪跑喪跳。場內可分為八大區域,分別為自由飛躍區、閃避球競技場及Big Bag,這三個區較適合小朋友,床的彈力不算太強,易掌握平衡,而且地方較闊落,唔怕撞到隔離。

3
反地心吸力行?睇下大家可以行得幾高!
2
彈住玩閃避球你又試過未?

入樽區、巨型彈床及精英彈友區等,就較為適合進階玩家。如後者的精英彈友區當中,再細分牆跑區域和五個具奧運會標準的高效能彈床,床彈力更強,可飛至幾米高!大膽者可以由彈床飛上牆身玩飛檐走壁,影相一流!唔好以為只係小朋友先啱玩,一樣有噱頭吸收反生仔女嚟玩,因為場內不時會舉行派對,有駐場DJ係度為大家打碟,場內識friend唔再係跳舞,而係跳彈床,即場嚟個床上大戰,battle一下邊個跳得勁!

4
一跳落床後即彈起,入樽冇難度呀!
5
呢張藍力床,彈力最強,跳到360度凌空翻騰都冇問題。大家要穿上特製的防滑襪才可玩。
6
垃圾袋似的氣袋,好適合小朋友玩,飛身跳落去都唔會痛。

BOUNCE HK

時間︰9am-9pm(周日至周四)、9am-12pm(周五及周六)

地點︰香港九龍灣展貿徑1 號九龍灣國際展貿中心EMAX 地下

費用︰$170/小時

查詢︰2556 9555

網址︰www.bounceinc.com.hk

 

更多精選內容