小丸子闖澳門會展 10大熱點率先睇

小丸子闖澳門會展 10大熱點率先睇

暑假期間,又係卡通人物來襲嘅時候!人氣度年年有增無減嘅 小丸子 ,今個夏天係港澳兩地都有展覽,認真巴閉!香港這邊廂的小丸子活動,趁住今夏新電影《來自意大利的少年》上映,將於暑尖沙咀The One舉行花園為主題的展覽,但所有裝置由於要等到7月9日先可完整示人,小編先在此賣個關子,及後一有更新再同大家直擊!身為粉絲之一的小編,實在等唔切,上次台北展出時去唔到,今次巡迴去到澳門站咁近,冇藉口唔去吧?今次率先帶大家走入澳門的小丸子展覽睇睇,地點於澳門會展中心舉行,由即日起至9月11日整個暑假期間,身在香港的粉絲真係睇到流晒口水呢!今次場內分為9大主題區,平時大家在動畫中見慣見熟嘅場景如課室及家中都會出現,會方仲刻意加入充滿葡韻風情的本地元素,真係識做!速睇以下報告,究竟係咪真係隔離飯香啲!

10大打卡影相熱點

1.大三巴

a8a7432-800x492
展館內的澳門主題區域以澳門景點為主,澳門小丸子學園祭第1站,一定是到大三巴。

2.歎露天葡國菜

a8a7335-800x506
小丸子曾經想用爺爺的私房錢去食西餐,今次行程終於有機會得償所願了。

3.櫻桃茶樓

a8a7338-800x477
有幾可見到小丸子出現係中式茶樓場景?小丸子被多幅中華料理中的燒賣及叉燒包等包圍,視覺夠衝擊吧?

4.媽閣朝前的三輪車

a8a7437-800x533
澳門地標之一的媽閣朝,加埋當地所剩無幾人力三輪為題,跟小丸子來個漫遊濠江的合照吧?

5.街頭扮葡國雞

a8a7346-800x533
小丸子cosplay成可愛的葡國雞,在葡式風情滿滿的街角等緊大家嚟抱住佢影相。

續下頁

6.花輪小渚的三角戀關係

a8a7326-800x533
眾所周知小渚一直明戀花輪同學,可惜花輪心有所屬,圖中角度充分表現出小渚對花輪的鍥而不捨之情,很有故事性呢!

7.永遠的3年4班課室

a8a7301-800x533
當年有冇幻想過可以各位同學仔一齊上堂?野口同學、小玉及藤木等坐係家隔離一齊聽書的機會,現在終於有機會了!

8.小丸子家中飯廳

a8a7243-800x886
記得曾經有集故事講,小丸子分析家中的貧窮指數,而今日媽媽竟然「落重本」,晚餐有天婦羅和吞拿魚刺身吃,櫻家有口福了。

9.姊妹書房內大戰

小丸子前世和姐姐「撈亂骨頭」般,今次小丸子把房間弄髒,姐姐又被小丸子激到嬲嬲豬。
小丸子前世和姐姐「撈亂骨頭」般,今次小丸子把房間弄髒,姐姐又被小丸子激到嬲嬲豬。

10.偷窺父女出浴景

難得可以光明正大地看小丸子和爸爸沖涼,不過真的要小心生「眼挑針」。
難得可以光明正大地看小丸子和爸爸沖涼,不過真的要小心生「眼挑針」。

續下頁

特色手信推介

小丸子毛巾套裝 $590、葡國雞小丸子把枕 $230

99

想集齊櫻家,這套毛巾禮盒由薄至厚、小至大毛巾都一應俱全,非常實用;如果鐘意儲公仔的話,圓碌碌軟綿綿的葡國雞小丸子就唔好錯過,第二度買唔到!

 

小丸子花牆磚抱枕 $230

a8a7390-800x518
藍底白花牆磚在澳門街頭隨處可見,但印些小丸子的萌樣卻是第1次見。

小丸子散子包 各$138

a8a7392-800x455
在動畫中老是常出現的發白日夢樣和打扮後的小丸子毛毛錢包是必買商品。

筆記本 $39(小)、$69(大)

a8a7403-800x491
科技發達已經很少人用筆寫字了,但有了這本精美的小丸子筆記本後,一定會再次愛上手寫的感覺。

續下頁

卡通造型食物

糖霜曲奇 各$50

a8a7458
曲奇的模樣趣緻,而且造型很突出,送給朋友最適合。

馬卡龍 各$45

a8a7455-800x498
獨立包裝的馬卡龍印上了櫻桃小丸子動畫中的不過角色,非常吸睛。

芝士蛋糕 $60(小)、$150(大)

a8a7463
日式的芝士蛋糕常常吃,但印了小丸子頭的芝士蛋糕一定加分。

macau-maruko_1-800x533

櫻桃小丸子動畫25周年展 – 櫻桃小丸子學園祭澳門站

地點:澳門會展中心(網頁

日期:即日至9月11日

時間: 12nn-8pm(星期一至四)及11am-9pm(星期五至日)

門票:MOP$120/位

 

原文︰新Monday

更多精選內容