排毒保健 栗子牛蒡 豬骨湯

其實牛蒡功效都好似幾廣，可以防癌、排毒、降低膽固醇，仲可以清理血液入面嘅垃圾，促使體內細胞的新陳代謝，防止老化，美肌及消除色斑及黑褐斑等等。而栗子就有養胃健脾及補腎壯腰，所以兩者加埋一齊煲就係可以排毒保健啦！

由於我地有八個人飲，所以材料都係多啲啲，中型牛篣2條、栗子1磅、紅蘿蔔2條、粟米2支、蜜棗4-5粒、豬骨約$60~

做法：

牛篣去皮切件~

紅蘿蔔及粟米去皮洗淨，切塊~

栗子洗乾淨；蜜棗浸洗一陣~

豬骨洗淨汆水備用~

煲內放約5L水，待水滾後再放入其他材料~

待再次滾起時，先繼續用大火加蓋煲約30分鐘~

之後再轉慢火加蓋煲2小時~

加入少少鹽調味，就可以飲啦~

第一次煲牛篣又真係覺得唔錯，本身牛篣就唔算濃味嘅材料啖，不過加埋栗子一齊煲就顯得成啖湯都好濃郁，而且飲落仲帶有少少甜味，所以就連小小豬都好鐘意飲。

牛篣咁有益又好飲，所以有時間都可以煲多啲，等兩位老細保健下都好呀！

溫馨提示：由於材料都涉及藥材成分，所以係好因應個人體質，大家記得煲之前了解下自己，或者問下相熟中醫/藥材店職員，呢個湯料啱唔啱自己呀！

BY 小小豬的成長日誌