SSGC宅女神 – 潘諾曦

SSGC宅女神 – 潘諾曦

一個行出嚟企企理理嘅女仔,竟然會係個連出街都懶、都嫌麻煩嘅宅女?咁兩樣嘢又真係好似冇抵觸嘅,唔鍾意周街躝,即係個心唔野囉,個心唔野咪即係乖囉!Nicole ( 潘諾曦 )喺聖士提反女子中學讀中六,啱啱考完DSE,個樣又真係生得好乖巧,講嘢都有紋有路架,雖然性格係宅咗啲,不過你又點知佢第時唔會係個擁兵無數嘅娘娘啫!?

0184

SSGC都係百年老校,女校嚟講都係比較低調,但係Nicole話學校環境都好自由架,返學紮唔紮辮都得,而且老師都唔會過分催谷,所以啲學生個個都好活潑!佢最鍾意呢,就係學校好古色古香,仲有個好靚嘅花園tim!

0484

Nicole好鍾意自己學校套校服,夏天係藍色長衫,冬天係淺藍色恤衫襯方格半截裙,長衫質料好薄,夏天出汗都好快乾;冬天校服就蝦人着啲,不過兩套都一樣咁靚!

0324

Nicole喺學校嘅成績都唔錯架,係中文同通識差少少啦,DSE比較擔心都係呢兩科。不過佢都好想入到本地大學,因為要自己一個去外國生活,佢都驚照顧唔到自己,而且外國學費又貴啲,最理想就係躒香港讀完大學,先再過外國讀一年啦!

0387

一個個樣咁乖,讀書又叻嘅女仔,但係又不斷自己其實好懶,仲要形容自己懶過隻豬,都真係幾離奇!不過Nicole話,如果唔駛番學,除咗落街買lunch之外,自己真係可以成個禮拜着住年睡衣喺屋企hea架!因為覺得出街好麻煩喎!所以咁宅真係唔係冇原因架!

0237

除咗煲劇,Nicole仲好鍾意食嘢,所以佢嘅夢想係環遊世界,可以親身體驗各國唔同嘅文化,同當地人交流吓,睇吓唔同特色嘅建築物,最重要仲可以食勻全世界啦!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影:Alison KWAN

拍攝: Anthony Leong

剪接&美術:C.Ming

Hair+Makeup: EM Makeup

 

 

 

更多精選內容