經典雪糕雪條

那年仲夏的 經典雪糕雪條

親子好去處

廣告

「Wo….Once upon a summer time!熊熊烈日大家曬!」大熱天時,打開超市或便利店個雪櫃,來來去去都係幾個大牌子的雪糕雪條,不是綠就是茶朱古力,太公式化。不禁一想起童年仲夏,在辦館士多冰箱前,心大心細的日子,款式多多的 經典雪糕雪條 ,盡是童年回憶的滋味。如今這些經典款式已經買少見少,有些甚至已一早本地停產,要去外國才有機一試!今次跟大家「介紹返」一系列經典的消暑凍食,等大家記起那個吹著大風扇,手執冰凍雪條的納涼仲夏!

雪米糍

軟糯薄皮,包住香滑雪糕,一盒得只兩粒,食完永遠唔夠喉!你鐘意呍喱拿味定香芋味?

冰條

七彩的唧唧冰,唔同牌子出品唔同味,但都係藥水味多,有待揀永遠揀提子味,可是士多阿姐有時衰到隨機揀俾你,甚麼味都有,不過5毫子唔好要求咁多。當年同朋友仔窮起上嚟,一支冰條兩份食!

巨星雪條

嘉頓唔止出麵包,其實仲出過叫雪條,其中一款叫7、80後念念不忘的,就係已絕版的巨星雪條,一支雪條有齊3種口味,最頂係七彩碎糖,中間是雲呢嗱雪糕,下面是西瓜味,貪心的小朋友最愛!有網友話係英國食過一支叫做Fab的雪條,外貌及味道都有9成似,大家去旅行時不妨試吓!

/綠豆味雪條

每間超市或便利店的雪櫃一定會有的長青item,長年都有捧場客,真係由5歲食到50歲都有!多個牌子先後推出,味道大同小異。

Viennetta千層雪糕

當年好矜貴的千層雪糕,早已係香港消聲匿跡一段時間,唔少人親身去日本先食得返,而最近有網友係澳門搵得返!

 

閱讀更多

※如欲率先接收資訊,請讚好我們的FB專頁:https://www.facebook.com/SundayKiss/,並於「已讚好/Liked」選單設定「搶先看/See First」,多謝支持。

延伸閱讀

回憶中的士多 零食 80後學生哥專屬

回到小時候!3大經典 卡通人物 勁可愛

續下頁

 

粒粒雪條

當幾何時,一街都係粒粒雪糕的自動售賣機,如今搵一部都難,但好在仍然食得返!因為早前再以專門店方式回歸旺角,大家又再可以品嚐-40°C超低溫冷藏粒粒雪糕。

益力多

當年士多必買,細細支又好味,估唔到益力多放入冰格可以升級成另一種沙冰食法,平靚正。

冰菠蘿

同是士多專賣的消暑食物,將罐頭菠蘿雪到變冰,食完真係透心涼!。

孖條

當年分甘同味的回憶之作,本身用紙包裝的孖條,一條左右開邊兩份食。如今香港仲有機會食得返,阿波羅仲有出!

藍鐵神雪條

當年唔少男孩子都鐘情阿波羅的卡通雪條,除了貪包裝吸引外,而且款式選擇極多,當中最記得藍鐵神,目前仲有得賣,目前阿波羅雪糕的分店不多,但唔少士多及超市都仲搵到佢地出品的雪糕。

奇脆冰

另一阿波羅公司出竹的佳作,食完上面堆雪糕後,下面的冰冰永遠硬到食唔晒,以前便利店雪櫃一定有,如今而不多見,只知道阿波羅分店仲有得賣。

撰文︰Pan