黃子華 金句惹火 媽媽呻焗請工人

黃子華 金句惹火 媽媽呻焗請工人

男神 黃子華 經常有金句出,論盡天下事,當中唔少都帶諷刺意味。Sunday Kiss就係昨晚發出一張黃子華的節錄的金句圖,「而家香港人生仔可以冇老婆,但唔可以冇菲傭!」。雖然有4000幾人俾likes,但亦有家長們立即有感面發而留言,當中唔少都大吐苦水!唔少家長讀者表示,好多媽媽都因為要返工,先迫不得已請工人照顧小朋友。而這些留言,又的確反映好多香港家庭的實況,很多時請工人都係生活迫人而出此下策。試問有邊個唔想親自伴同自己小朋友一齊成長?同時亦有網友插子華「離地」,因為男神未婚又冇小朋友,同時唔係基層或中產,唔知民間家長苦況!睇下留言講乜!

 

撰文︰Pan

圖片來源:新傳媒資料相片

網友留言︰生活迫人被迫請姐姐

2
有讀者直插子華冇小朋友唔明家長苦況;亦有媽媽表示好想親身湊小朋友,但無奈要返工,先迫住請姐姐!
3
有媽媽表示,就算請工人景顧子女都好,但教育的責任永遠在家長身上,呢句得到唔少網友認同!同時亦有人話子華呢句金句好侮辱女性!
comments 1
有網友用金句反撃,表示︰「家中可以無工人,但小朋友唔可以無媽媽!」亦有心水清的網友,睇通子華想諷刺的怪誕現象。

黃子華︰最好同菲傭生埋仔

其實子華啲金句一向有深度,字裏行間中點會冇暗示?而呢句女句,其實想講當今某些家長湊仔時,的確有些情況過份依賴工人的怪誕現況,目的明顯想喚起大家反思,而不是想大家對號入座呢!黃子華︰「香港有幾多菲傭?你睇吓香港有幾多人生仔就知。因為而家啲人生仔,一定要有菲傭到一個地步……就係生仔冇老婆唔緊要,但係冇菲傭就唔得。所以有啲人覺得,同個菲傭生一個,咁就最一舉兩得。」

4
有網友分享現今小朋友過份依賴工人的怪現象,發現原來唔係人人家庭都有工人姐姐!
5
有媽媽網友表示,請工人亦有煩處,一樣係要使錢,有時更有機會勞神勞氣!

其他惹火金句

子華其實過去講過唔少金句,都關於家庭生活,唔知大家睇完有冇共嗚呢?你會會心微笑?定係眼火爆呢?

「我讀咁多年書,從來冇一個老師話過俾我聽,讀書係為乜。 但係我自己識諗,我終於想通:『讀書係為左升班。』 但係後來有個阿Sir同我地班同學講左句野,又令我再諗過。有一日,佢同我地講:『你地成班都唔掂,不如你地成班申請留班讀好D書啦!』我讀書係為左升班,依家留班係為左讀好啲書?」

Untitled-1

「啲人生仔就放前四後六,放幾個月假,死老竇就放1日,點解?因為所有嘢都係講生產力,你個仔生出嚟將來有生產力,你阿爸冇將來。屈原個仔死老竇有幾多日 放?咪得端午節1日,佢重要包粽去賣,有生產力添!你諗清楚,生產力好緊要。耶穌出世有聖誕節,因為有生產力,咪放假囉!耶穌死係冇假放,然後耶穌復活又 去放假,即係復活節。然後耶穌升天又冇假,升天係咩意思?退休移民,邊有生產力,佢重要唔買機票就退休,唔搭飛機都搭程的士去機場吖!咁就走咗,幾蚊雞生 意都唔俾人做,邊有生產力。」

「最近睇到報紙介紹二百零呎樓,適合四人小家庭合用。」

「為咗下一代,唔好有下一代。」

Untitled-2

「我唔係一個唔負責任嘅人,為我爸爸媽媽嗰短短一剎嘅快感,我已經負責負咗廿幾年。你估做我好易做啊?」

「而家香港嘅問題,係所謂嘅婆媳糾紛,係一種必然瀨嘢嘅關係,係咪?除非你個新抱可以喺第一日入門,就全心全意同奶奶講:『奶奶,我愛你!』」
「愛情同股票一樣,未入之前係不停咁升。但當一擁有,你就問:『點解會咁㗎?』所以世上有100分男孩、100分女孩,但就冇100分伴侶。如果重有人唔肯承認,相處就代表開始扣分,我有個例子:2人相愛,當然唔想有第三者,但點解你想生仔?『仔點會係第三者呀?』仔唔係人呀!喂,呢個第三者佔你哋好多時間㗎喎!呢個第三者,1日食6餐,隨時食埋你嗰份,『咁1男1女就梗係要生仔㗎啦!』係囉!點解呢?因為當世界只剩下1男1女,得番你同我,你就feel到,呢個遊戲係唔玩得耐。」

更多精選內容