更新重溫: 一歲健康院測試詳情

專欄

廣告

最近收到mama group有媽咪分享好details的一歲健康院測試要點出來.

現在list出來跟大家分享一下, 相關stage的媽咪都可以參考下.

我睇了一睇, 見到好多野咁. 不過其實都ok既. 只係其中一點”讓寶寶自己用手指取一顆星星餅”, 好似有d難度咁. 不過我想到時應該掛……

一歲聽上去好似好耐咁, 但我想應該又係話咁快就到了. 因為孖寶很快就要7個月啦….哈哈~(更新現在已經差不多11個月大啦)

一歲健康院測試:

(1 )寶寶磅重 (不穿衣服可著乾尿片), 不用度高, 不用量頭圍

(2) 見護士, 護士會查詢寶寶狀況, 如下:

– 平常誰主力照顧寶寶 – 寶寶吃奶量 護士建議一周歲後寶寶吃奶量為一天合共12-16安, 讓胃部有空間吃固體食物

– 寶寶吃固體食物量 – 寶寶吃飯的稀稠度

– 寶寶吃食物的種類, 是否什麼都有吃

– 寶寶吃點心的種類, 有否吃水果, 芝士, 麵包, 餅乾等

– 寶寶是否懂得行, 例如懂扶著東西步行或懂單手拖著大人步行

– 寶寶是否懂得伸手讓大人幫他穿衣

– 寶寶平常玩什麼玩具

– 寶寶會否模仿大人講電話 – 寶寶會否發出單或雙音

– 寶寶是否懂得手指指 – 寶寶有否使用鴨咀/飲管/水杯喝水 護士建議多鼓勵寶寶用水杯喝水

(3)接下來是Test:

– 測試寶寶會否懂得把物件到容器內, 讓寶寶拿著小積木自行放進小碗中 – 測試寶寶小肌肉發展, 讓寶寶自己用手指取一顆星星餅

(4)最後, 護士會作小提醒:

– 一歲半時要懂得各身體部位

– 一歲半要讓寶寶玩煮飯仔, 角色扮演 (護士特別提醒玩煮飯仔沒有男女之分)

– 一歲半要戒掉使用奶樽 (謢士特別讚賞我們已經開始逐部使用飲管水杯喝奶)

我自己呢, 我唔希望太刻意逼佢地, 因為我相信佢地自己慢慢都係會做到的, 不過我仍然都係keep住doubt ”讓寶寶自己用手指取一顆星星餅” 呢一點對一歲BB會不會好難呢!? 定還是其實係好easy呢!?(更新: 原因根本唔係一個問題, 他們在8-9個月時, 已經可以自己一粒粒咁拎波波米來食了!)

我和孖寶的Facebook Page:荔枝與孖寶

我和孖寶的 Instagram IG#:laichimama

 
If there is any question or you looking for me and the boys, please feel free to contact LaiChiMaMa via Email:[email protected]