【消暑化濕】消暑袪濕 冬瓜湯

【消暑化濕】消暑袪濕 冬瓜湯

夏天飲咩湯好,緊係一啲既可以消暑又可以袪濕湯水,最重要都係要清清地,所以冬瓜真係一個唔錯選擇。見街市啲冬瓜實在太抵了,四蚊就有大大舊,而且見店員係原個即開夠新鮮,所以就去買材料,煲返個消暑袪濕 冬瓜湯 啦!

 

見上次我用雲苓蓮子薏米南豆依啲材料煲袪濕湯,小小豬都飲得津津有味,好味嘅湯係唔怕飲,既然佢鐘意就再煲多一次啦,不過今次店員就教我加埋荷葉一齊煲,咁就可以袪濕消暑同時做到啦!

 

材料方面就有豬肉眼$40、冬瓜約一斤、蜜棗4粒(忘記影相..哈哈);雲苓、蓮子、薏米、南豆及荷葉,藥材份量方面你同藥材店職員講大約幾多人飲用,佢就會幫你執份量啦~
Picture

 

 

瘦肉洗淨汆水備用,藥材就浸洗一陣~
Picture

 

冬瓜乾淨切件(記得切大舊啲,咁就煲完之後可以食埋啲冬瓜),冬瓜皮、瓜瓤和瓜仁都唔清走,因為加埋一齊煲就可以加強消暑功效呀~
Picture

接下頁

煲內放約3L水,水滾後放入所有材料~
Picture

 

待再次滾起時,先繼續用大火煲約15分鐘,然後加入冬瓜~
Picture
Picture

 

再轉慢火加蓋煲1.5小時~
Picture

 

最後加入少少鹽調味,就可以飲啦~
Picture

 

哈哈哈….同我預期一樣,小小豬都係鐘意飲依款湯,極度自動自覺咁添飲,見佢飲得咁樂意,真係人都開心啲,不枉我咁努力煲湯俾佢飲…哈哈哈!

 

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

 

BY 小小豬的成長日誌

更多精選內容