【親子沖繩體驗之旅】靚景酒店逐格睇

【親子沖繩體驗之旅】靚景酒店逐格睇

繼續又嚟返我嘅沖繩旅記,我地三晚都係入住 The Ritz-Carlton, Okinawa酒店,渡假酒店都真係唔同啲,環境極度舒服,我地三口子都瞓得非常之好,抖夠精神我地就可以迎接今日豐富節目啦~
Picture

 

坦白講,其實我都係一個咩都驚青餐嘅人,尤其係一個生保環境下,我真係次次都會瞓唔到,所以次次外遊我都總係成晚都瞓唔到,眼光光數天光,依個亦都係我比較少外遊嘅原因。

 

不過我尋晚又真係出奇地瞓得好好(其實唔上一晚,係入住嗰三晚都係好好瞓),真係可以話一跳上床攬住小小豬就即刻可以入睡啦!

 

由於我地行程唔算太急趕,基本上都係早上九點鐘先集合,所以都早上都有好多時間係房內活動,一打開窗簾推開露台門,真係睇到我地嘩嘩聲,因為我地對出嘅風景真係好靚,睇住啲日本人打GOLF,真係好寫意呀~

PicturePicture

Picture

 

小小豬都話要坐一陣感受下呀~
Picture

Picture

 

三口子感受完非常寫意嘅氣氛之後,就齊齊落酒店餐廳食早餐。不過由於係星期六關係,除左我地遊客之外,都有好多日本人嚟依度作一個小渡假,所以人都算多,就係DADDY負責得位時,我同小小豬就周圍行下,因為尋晚我地嚟到都已經入晚,咩酒店景色都睇唔到啦!

 

嘩…..原來酒店外圍係咁大咁靚呀~
Picture

PicturePicture

PicturePicture

 

行左一陣就有位,所以我地就去食早餐。我掛住食都唔記得影底有咩食(係三日都唔記得)…真失敗,不過其實種類都幾多,日式同西式都有,所以都啱唔同口味嘅朋友~
Picture

 

食飽飽就繼續周圍行,嘩真係靚景隨處有,就係我地食早餐對出的小露台就已經係一個悠閒靚位,坐係度望住個咁靚風景,真係舒服都冇朋友呀~
Picture

PicturePicture

PicturePicture

PicturePicture

 

影完相就差唔多出發,日本導遊哥哥真係好細心,為我地每個小朋友準備左防曬同防蚊水,真係好體貼呢~
Picture

 

做好晒防預措施之後,我地就開始出發去玩啦,今日行程都真係好豐富,因為我地去左三個唔同地方玩呀~
Picture

 

係旅遊巴上雖然導遊哥哥都好落力咁同我地講解沖繩故事,不過…請容許我唔聽書,因為望出去嘅風景真係好靚,只係由旅遊巴上望出去都咁靚,真係好難唔吸引望出窗外呀~
PicturePicture

PicturePicture

 

坐左大約20分鐘車,就到左我地第一個目的地,就係去名護菠蘿園。想知菠蘿園入面有咩玩,咁就要留意下一篇遊記啦!

 

BY 小小豬的成長日誌

更多精選內容