【玩BOARD GAME好過玩手機】樂在棋中分享會

【玩BOARD GAME好過玩手機】樂在棋中分享會

我自己真心係好鍾意玩桌上遊戲,所以都好支持佢地嘅活動,今日同小小豬應邀嚟參加樂在棋中分享會,對小小豬嚟講就真係十級興奮,因為佢真係好鐘意玩呀~
Picture

 

樂在棋中活動其實我都唔係第一次參加,先多謝佢地每次有得玩都預埋貪玩嘅小小豬。當然因為佢地係社企公司,有意思嘅機構當然要支持。

 

同時亦都因為熟我嘅朋友仔都知我絕少俾小小豬打機同埋睇電視,因為好唔想佢電玩成癮。同佢一齊玩桌上遊戲,既可以有一個優質嘅親子玩樂時間,又可以學習規 則,學習不要著重輸贏,參與遊戲的都一定可去到終點,只係差遲或早。就好似象徵只要肯努力,不放棄的話,就一定可以去到終點。輸贏不是最重要,最重要係玩 樂過程,及遊戲中要有體育精神。

 

小小豬亦都因為訓練/玩得多,依家對輸贏都唔太緊張了,同時亦都好享受玩樂中嘅過程,所以我幾時都話….從遊戲中學習係最好啦~
Picture

 

分享會開始時,就先由創辦人Thomas為我地簡單介紹,不過…其實大家都係FANS,都好了解佢地啦…哈哈哈~
Picture

 

接住就帶出今次分享會主角《港鐵沿途有禮 2016 年版》~
Picture

 

《港鐵沿途有禮 2016 年版》係以上年推出嘅《沿途有禮》為基礎,加入左港鐵新嘅路綫圖,同時亦有新嘅「任務卡」、「命運卡」與「客務中心卡」,實行等大小朋友透過玩桌上遊戲,增加玩樂時嘅興趣~
Picture

Picture

 

除了推出《港鐵沿途有禮 2016 年版》外,亦推出了《港鐵沿途有禮補充裝》,咁可以等上年購買左《沿途有禮》嘅朋友仔用。依個做法又好似唔錯,一嚟家長可以慳啲啲,二嚟唔洗為左新路綫圖買過一整盒,好似環保啲嘛!

 

另外仲推出左港鐵版嘅康樂棋同埋填色手冊,只要係書展上玩個小遊戲就可以免費得到啦~
Picture

Picture

 

書展期間樂在棋中嘅攤位就會係會展三樓兒童天地中出玩(攤位編號:3B-A01、3B- A03、3B-D02、3B-D04)~
Picture

Picture

 

聽左咁耐講解,小小豬已經急不及待要去試玩,佢第一個試玩就係港鐵版嘅康樂棋~
Picture

 

其實我在旁睇見幾位小朋友又玩得真係幾興奮,因為版本又真係簡單易明,小小豬仲叫哥哥陪佢玩左好幾次呀~
PicturePicture

Picture

 

之後佢就轉戰《港鐵沿途有禮 2016 年版》~
Picture

 

不過佢就唔係玩,只係搵返新舊版本不同之處,終於佢睇左一陣就知道有咩唔同,仲慢慢同我地介紹,真係唔搵佢做代言人都唔得呀….哈哈哈~
Picture

 

過左一陣小小豬就俾另一樣遊戲吸引住,就係《張保仔傳說 2》,依個就係計《沿途有禮》之後另一至愛,我地係屋企玩嘅機會都幾密,次次都捉我地陪佢玩,今次有其他小朋友陪,又係另一種玩法~
Picture

PicturePicture

 

其實今晚各位小朋友都真係可以話玩到唔願走,我想唔係因為餐廳要關門,佢地真係仲有排玩。唔緊要啦,唯有嚟緊書展帶小小豬入場,到時再玩搵哥哥姐姐玩過啦!

 

BY 小小豬的成長日誌

更多精選內容