【好味涼浸浸】自家制 菠蘿雪葩

【好味涼浸浸】自家制 菠蘿雪葩

我一向都幾鐘意食菠蘿,但自從沖繩之旅後就更加鐘意食,突然間心血來潮好想食,所以就買嚟整涼浸浸嘅自家制 菠蘿雪葩 ,等我地母子為食一番啦~
Picture

 

其實係沖繩真係食左好多菠蘿,就連早餐都有得飲鮮窄菠蘿汁同大大粒菠蘿,仲有幾餐嘅甜品都係食菠蘿,仲要啲菠蘿勁甜又好味,可以話食極都仲好想食!

 

再上依排天氣熱熱地,小小豬食雪糕嘅次數都真係密左好多,咁係夏天食雪糕又真係一件嘗心之事,我都唔太阻止佢。不過…始終食得太多都唔係咁好,所以我就諗到用菠蘿嚟整雪葩,既可以滿足小小豬食凍冰冰嘅甜品之餘,我又可以食菠蘿,一舉兩得呀!

 

菠蘿雪葩其實係非常簡單,只係一個菠蘿加少少檸檬汁同蜜糖~

Picture

 

哈哈哈….由於我唔識整菠蘿,所以都係麻煩生果店姐姐幫我整靚仔,之後就將菠蘿切粒~
Picture

 

然後放入冰格雪大約一晚~
Picture

 

經過一晚冰極之後,菠蘿就會變得好硬啦~
Picture

 

依個時候就可以準備新鮮檸檬汁~
PicturePicture

 

將菠蘿冰粒放入攪拌機~
Picture

 

 

加少少檸檬汁同蜜糖~
Picture

Picture

接下頁

然後就可以打成雪糕狀,如果用手動攪拌器就可以方便啲,不過屋企嗰次就唔知去左邊,唯有就改用攪拌機,因為佢地嘅性質都係差唔多,用嚟打到變雪糕狀。但就要 留意用攪拌機的話,個底部嘅菠蘿粒粒就會卡住,打得唔嘅細滑身,所以就要手動郁一郁個位置再打多一陣,咁就可以滑身好多啦~
Picture

 

咁多菠蘿粒粒就要分幾次攪拌,當所有菠蘿打至滑身後就可以放入盒~
Picture

 

再放入雪櫃雪多兩小時~
Picture

 

一個簡單又好靚嘅雪葩就完成啦~
Picture

 

其實個質感又幾似雪糕,加上我依個菠蘿又係熟透,所以真係好好味~
Picture

 

由於菠蘿水份比較重,所以汁多啲,食嘅時候就要快口少少,唔係會好快溶呀~
Picture

 

炎炎夏日,雪葩咪就可以涼快涼快,仲要係原個生果咁整,咁就唔洗怕肥之餘,又可以食得健康啲啲。除左菠蘿之外,其實用其他生果都一樣可以做到,啱晒大人同小朋友呀!

 

 

BY 小小豬的成長日誌
Picture

 

更多精選內容