發表愛的宣言 林海峰 搞喊彭羚

發表愛的宣言 林海峰 搞喊彭羚

林海峰 於昨晚尾場棟篤笑「是但噏廣東話」謝幕時,除了多謝恩師俞琤提攜之外,之後再多謝林若寧同爸爸媽媽。仲話:「要把握機會多謝人,因為唔知下次仲有冇機會做。」最後更向太太彭羚發表愛的宣言,多謝彭羚多年默默支持及付出:「有佢先有我!」令彭羚感動落淚!

lam05

愛的宣言

林海峰 雖然無說出太太名字,但就話:「其實好多人都會喺演唱會做呢啲嘢,我會覺得好娘,但係今日都要做,自己已經去到中年,好少表達呢啲嘢。」仲重提當年首次遇彭羚嘅感覺:「自己記得嗰陣時喺TVB化妝間,第一眼見到呢個人就覺得呢個人就係喇,我覺得自己嘅決定冇錯,因為有佢先有我。」現場射燈即射向彭羚,被受感動嘅彭羚已雙手掩面,喊咗出嚟, 林海峰 之後笑言:「唔知返到屋企佢會唔會話我,做乜唔提佢個名,但其實佢唔係啲咁嘅人!」真係感動又爆笑!

lam01

紅星捧場

尾場有多位紅星捧場,包括楊千嬅、張智霖夫婦及蔡一智等,大家睇得十分投入!

lam04

lam03

更多精選內容