CityU”媽劇停”旅人 –  張肇中

CityU”媽劇停”旅人 – 張肇中

喺城大 “媽劇停”讀緊Year 4 嘅Terry( 張肇中 ),眼大大,個樣又幾醒目,仲帶點異國風情tim!實質佢係純種香港人嚟架!講靚仔佢未必排第一,不過佢又真係幾靚仔架!舊年申請去瑞典exchange,半年內仲去咗18個國家呀!想知佢點做得到,就要睇埋落去啦!

3003

首先,要去exchange成績係咪一定要好先?Terry本身成績都唔錯!中學讀順德聯誼總會梁銶琚中學,係屯門區名校,舊年都出咗個DSE狀元架!至於佢當年Best 5都有24分,跟住就入咗城大BBA喇!

3106

以前城大BBA嘅玩法呢,係讀完第一年睇GPA去揀major嘅,咁頭20%嘅學生仲可以任揀自己鐘意major,連interview都唔駛!Terry當年都係其中一個!不過今年就改咗制喇,第一年就可以直接揀自己想讀嗰科。雖然Terry係未in過,不過佢都有貼士俾大家喎,首先梗係要有自信啦!其次就係可以記吓啲marketing term,例如4p果啲,又或者嚟緊呢一兩年marketing發展嘅趨勢,例如數碼營銷,咁到時Group discussion都有啲野吹到。

3079

好喇!咁去exchange又可以點申請呢?大概每年嘅11月就要透過online system 申請下個學年嘅exchange機會架喇。以城大為例啦,就分左兩個level嘅exchange program,一個就係成間大學嘅同學爭,一個就係商學院嘅同學爭,GPA過2.8就符合資格申請,之後仲要interview。Terry嗰陣係去瑞典,學校就有$23,000嘅資助啦!

3130

去咗exchange半年,Terry總共去咗18個國家,幾乎成個歐洲都去均哂,仲去埋非洲嘅摩洛哥,半年嚟用咗11-12萬港紙啦!最令佢深刻嘅,就係冰島嘅自然風景,同埋喺撒哈拉沙漠每分鐘就見到兩次流星!周圍遊歷當然好開心啦!不過其實去到瑞典都一樣要返學架,而且學校其中三成嘅資助,仲要pass晒喺嗰邊讀嗰4科先攞得番啦!

2981

做咗半年交流生,Terry話最大嘅得着就係學識獨立啦,因為自己一個喺外國,好多嘢都要自己搞掂,例如自己買餸煮飯,一個去旅行,由book機票、hostel到plan行程都係自己一手包辦。其次梗係擴闊自己眼光啦,住hostel會識到來自世界各地嘅人,同佢地傾下計,會發現原來每個人都有自己嘅故事。最難忘係喺法國馬賽識到個英國人,佢係辭咗份工,然後用半年由希臘踩單車返英國,踩到邊玩,呢個就係佢夢想。對於香港人嚟講,好多時有夢想都會因為其他人嘅目光而唔敢實現,但歐洲人就唔會,呢個都算係文化差異上嘅一個例子。

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: Clay Lam

拍攝: Anthony Leong

剪接+美術:C.Ming

Hair+Makeup: [email protected] EM Makeup

 

 

更多精選內容