生同唔生的決定? 到底人點解想 孕育下一代 ?

生同唔生的決定? 到底人點解想 孕育下一代 ?

我和孖爸結婚之前,都有人問我係唔係因為打算生BB先結婚?

其實我和孖爸交往12年,係3年前先共同走向婚姻。拍左咁耐拖先結婚,自然會令人認為係唔係因為責任問題,年紀問題等等。


坦白講,好多人未結婚都已經生BB……所以對我黎講,結婚根本唔係為左預備孕育下一代,對我地黎講只係因為覺得對於自己的人生伴侶,維持僅限於愛人的關係實在係唔足夠,希望將對方變成永遠的家人。

“幾時生BB?”根本上係我地結婚之後成日都被問及的一個問題…..

有時不禁令我覺得,唔通人類結婚就只係為左生BB咩?

不過唔好誤會,識我地既人都知道我地好鍾意、好鍾意小朋友。由我家先生哥哥的小孩,到我姐姐的BB,我們都係真心喜歡同願意花很多時間和孩子相處。

到底人點解想孕育下一代?

生同唔生,兩公婆之間有共識係好重要。

很久以前無諗過自己會生小孩,成日都諗二人世界的確係落得輕鬆自在。

但係好多野係會隨著年紀增長,令視野都有所不同,可幸的係我同孖爸都有感受到孝順父母的重要性,亦都了解的親情係幾可貴,Family Come First!

續下頁

所以當我地自身感受住父母對我地既愛同時,到自己要去決定係唔係同樣都要去做父母的時候,心中的答案係好正面的,因為我地雖然唔係出身自富裕的家庭,但係由細到大得到的愛一直都唔缺少。直到現在我們的家人不單止為了我們兩個,亦同樣把愛廷伸去我們的下一代,還是會為孖寶奔走、打點。

我想到我媽媽,佢總係省吃儉用,希望比我同家姐有好的教育。

爸媽努力打拼為了我們,而我們努力打拼為了我們的孩子,然後到我們的孩子也要努力打拼為了他的孩子,彷彿生了小孩之後就係為左下一代而活似的。

無錯,的確你的人生唔再係你的人生。你做所有的決定先決要考慮到他們,想好似以前一年去4次旅行都已經再無咩可能。省吃儉用就係為左佢地將來做打算,這的確是一個 “甜蜜的負擔” !

到以家我當了媽,有時都會認為,或者,生同唔生都是自私。只係選擇不同,但既然選擇左,就絕對要努力下去。


你/妳有想過要生小孩嗎?

排除其他親友的壓力、經濟的壓力、教育的壓力,回歸到最單純,或者你可以先問自己一個好簡單的問題:喜歡自己嗎?喜歡妳 /你另一伴嗎?

如果答案係確定的,我相信你們會加倍的愛鍚自己的孩子,因為孩子是你們夫婦的愛情結晶、生命的延續。

由自我、到搵到另一半,再到成為父母。

由兩個人的小視野開始知道咩叫無私的奉獻同付出,呢個的確係一個好大的轉變,亦都係一個大不同的體驗。但小孩係妳用自己生命製造出來的結晶,最真實的愛情見證。

就算到以家孖寶差不多一歲我還是有點反應不過來,還未完全適應自己真的當媽媽了!

但係如果你問我:有左孖寶之後係咩感覺?

答案係就好似初相識熱戀的情侶咁,時時刻刻的渴望,熱切、期待、滿足、幸福,就算你已經kiss了他們一千次、望住佢地一萬次都唔會覺得厭倦的心情,就連我我自己都無諗過原來生命中係有一種愛單純只求付出,而不問回報的。母愛應該就是樣吧。

我諗係我地人生當中,就只有親情係可以跟它談一世戀愛,有別於愛情咁短淺,親情係令你呢一世都甘之如飴的付出的愛。

就好像我之前的文章分享過,結婚生仔唔係令我地擁有完整人生的手段,而係令我地重新活一次的好機會。

分享完畢!

我和孖寶的Facebook Page:荔枝與孖寶

我和孖寶的 Instagram IG#:laichimama
If there is any question or you looking for me and the boys, please feel free to contact LaiChiMaMa via Email:[email protected]

更多精選內容