書展

口裡說不! 書展 4間最多家長掃補充攤位

熱話

廣告

2016 書展 昨日開鑼,小編尋日已經率先踩入兒童天地,幫大家搵咗10間必掃的童書玩具攤位。不過好多家長口說不買補充練習,但其實排得最長龍,掃書掃得最多嘅,又咪補充練習攤位!以下呢4間,就係最多家長掃嘅攤位!

1. 最多家長掃 大量補充練習攤位

最多家長掃練習嘅,莫過於呢個攤位啦!全部8折,就咁睇就唔覺得特別平,不過呢度算係補充練習大集匯,中、英、數同常識練習都有唔同選擇,大部分仲有套裝價,最低73折,一書三冊包括2本練習及一本評估,買一本/套仲可以半價換購一本補充,所以好多家長都一棟棟咁買,都咪話唔誇張啊!

 

書展攤位:3E-A02

2. 北京大學授權出版 普通話練習

好多小學都係用普教中,咁普通話梗係要好啦!呢個攤位賣嘅練習係由北京大學授權出版,自然有信心保證!買書仲一律85折!但咪住先?小編有無睇錯啊?幼稚園生適用?各位家長,如果你真係覺得一個幼稚園嘅小朋友真係有需要做咁大本練習,就嚟呢個攤位買俾佢啦!

書展攤位:3C-C28

3. 英國小學、國際小學練習 名校生必搶

想買啲另類啲?深啲嘅補充練習?好多家長都會幫襯呢個攤位!事關呢度賣嘅係英國小學同國際學校學生嘅教材,價錢唔貴嘛,$40一本,$100就有3本!

書展攤位:3C-D10

4. 新加坡補充練習3本75折

呢間賣嘅係新加坡出版的練習同參考書,不過香港有咁多出版社出補充練習,點解要買新加坡嘅練習呢?根據攤位負責人所講,新加坡英文水平高,小學習作嘅程度都會 比香港深一年,而且英文文法水平捉得更緊,所以好多名校生,尤其係男拔女拔生,都鍾意買嚟做。不過都唔係科科都係偏深嘅,好似數學咁,程度就反而會淺過香港喇!

除咗補充練習之外,仲有小小科學家系列,講解同科學有關的故事,而且仲中英對照,是新加坡最暢銷的科學漫畫!書展價$480/10本

書展攤位:3B-B11

5. 新加坡教材 幼稚園到小六都有

除咗頭先嗰間,呢度都有賣新加坡補充練習,由幼稚園到小六都有,一本八折,三本仲有七折!個人覺得幼稚園就唔好買啦!無謂令一個4,5歲的小朋友咁大壓力啦!

書展攤位:3D-C32

 

 

香港書展2016

日期:2016年7月20日至7月26日
時間:7月20-21日(星期三、四)、7月24-25日(星期日、一):10am-10pm
7月22-23日(星期五至六):10am-11pm、7月26日(星期二):9am-5pm
地點:香港會議展覽中心
門票:成人$25、小童$10、超級書迷證$80(可於書展期間無限次入場參觀,更可以使用特別通道進入會場,節省輪候時間。)、上午進場票$10(中午 12時前進場適用,不設離場時限,可逗留至閉館,門票只限即場發售,成人及小童同價)、殘疾人士及訪港 人士$10、3歲或以下小童及65歲或以上長者免費進場。

註:凡以正價(成人$25、小童$10)購買7月15或16日香港書展門票人士,憑完整票尾可於7月17、18或19日(星期五、六、日) 晚上7時後免費進場一次。
查 詢:1830 670
註:展覽會於每日關閉前45分鐘停止售票及進場
網 址:hkbookfair.hktdc.com

撰文:Fiona Fong
相片:Fiona Fong

延伸閱讀

樹屋開放日 唔使預約 Walk in有得玩

直撃 荔園 2016必玩熱點