暑假過澳門 新濠影滙3大抵玩賣點@Parent婷

暑假過澳門 新濠影滙3大抵玩賣點@Parent婷

(Presented by Studio City Macau)

好耐冇一家人去澳門玩,最近見新濠影滙推出咗個夏日優惠,小朋友好多嘢都免費,仲多咗唔少夏日主題活動,所以前幾日我地一家即刻過咗去歎返下。總括成個旅程,個人認為真係堅抵玩,好適合暑假帶埋仔女嚟消暑度假,而家就等我同各位精明家長開心share返其中3樣重點推介啦!

 

著數一:優惠親子住宿套票

今次我哋揀咗新濠影滙特別為親子遊推出嘅夏日家庭「游」套票,價錢只係$1,898起,但已經包咗1晚「巨星滙」尊貴套房、3人「星滙餐廳」自助早餐或自助午餐、3張「影滙之星」門票、夏日池畔「童」享樂活動免費入場,仲可以玩埋「綠野游蹤」漂流河,同埋任揀3張「華納滿Fun童樂園」門票或者「蝙蝠俠夜神飛馳」門票,淨係呢幾樣散買加埋都起碼貴幾倍,不過我仲未講完!隨套票仲會送埋超級英雄禮品包同港幣$100娛樂消費券,係咪齋聽都覺得呢款套票十分之物超所值先?

相_02
「巨星滙」尊貴套房嘅睡房同客廳採用咗開放式設計,整體感覺好寬敞舒適,啱晒一家人度假。

 

「星滙餐廳」自助餐嘅食物款式包羅萬有,有齊國際名菜同澳門地道佳餚,完全滿足到大家口腹之慾。
「星滙餐廳」自助餐嘅食物款式包羅萬有,有齊國際名菜同澳門地道佳餚,完全滿足到大家口腹之慾。

 

著數二:小朋友全程免費

所謂嘅12歲以下小朋友全程免費,絕對冇任何取巧成分,只要家長帶埋符合年齡要求嘅仔女去新濠影滙玩,佢哋就可以免費喺「華納滿Fun童樂園」食早餐同埋喺「星滙餐廳」享用自助午餐,欣賞大型魔術匯演「魔幻間」、登上全球最高8字形摩天輪「影滙之星」統統都係免費。另外,只要出示即日滿MOP$300嘅新濠影滙餐飲消費收據,就可以到「糖癡」免費換棉花糖食,又或者去「澳門食街遊」換雪糕三文治,呢個優惠冇限住客專享,即係話就算嚟個day trip都可以三人同行、一人免費。

「華納滿Fun童樂園」裡面唔單止有早餐,仲有一班卡通人物等住同大家近距離接觸,一齊載歌載舞投入精彩暑假。
「華納滿Fun童樂園」裡面唔單止有早餐,仲有一班卡通人物等住同大家近距離接觸,一齊載歌載舞投入精彩暑假。

 

「糖癡」簡直係小朋友嘅天堂,裡面放滿成百款糖果雪糕,入咗呢片繽紛糖果世界,真係有排都唔捨得出返嚟。
「糖癡」簡直係小朋友嘅天堂,裡面放滿成百款糖果雪糕,入咗呢片繽紛糖果世界,真係有排都唔捨得出返嚟。

 

著數三:夏日池畔「童」享樂Party

夏天一定唔少得玩水,今個暑假,「綠野游蹤」漂流河同澳門玩具“反”斗城crossover搞咗個夏日池畔「童」享樂Poolside Party,入到場唔單止可以玩漂流,仲多咗好多水上活動同戶外遊戲,例如有新濠影滙歷險小挑戰同埋夏日至fun水戰等,勝出者係可以贏走精美玩具同其他豐富獎賞㗎!頭先提過啦,套票本身包埋入場玩「綠野游蹤」㗎嘛,如果咁好彩又咁有實力贏走埋大獎,咁就真係抵上加抵喇。就算好似我哋咁贏唔到獎都唔緊要,免費入場已經賺咗,仲要多咗咁多item玩,已經係種意外收穫。

「綠野游蹤」參照熱帶雨林建造,坐住水泡隨水漂流,穿越河道高低起伏,夠晒驚險刺激。
「綠野游蹤」參照熱帶雨林建造,坐住水泡隨水漂流,穿越河道高低起伏,夠晒驚險刺激。

 

「綠野游蹤」仲有個老少咸宜嘅水上遊戲區,成個下晝喺度玩水親子同樂都唔覺悶。
「綠野游蹤」仲有個老少咸宜嘅水上遊戲區,成個下晝喺度玩水親子同樂都唔覺悶。

 

綜合以上我講嗰3點,真係諗唔到有咩理由唔帶埋仔女去玩返轉。不過溫提一下,呢set暑期套票都幾搶手,優惠期到8月31日,大家有興趣就真係要快啲book定!

 

新濠影滙
地址:澳門路氹連貫公路
電話:(853) 8865 8888
網址:www.studiocity-macau.com

更多精選內容