張頴康 五大愛妻宣言

張頴康 五大愛妻宣言

三寶 張頴康 憑劇集《一屋老友記》彈起,日前接受《東方新地》fb訪問,瞬即有過千人關注! 張頴康 除回應fans提問,期間又大讚太太麥雅緻係絕世好老婆,更發表五大愛妻宣言,幸福滿瀉!

clip_171

愛妻宣言一:好正呀

對於如何跟太太麥雅緻認識, 張頴康 又不禁大讚太太天仙咁靚:「十年前訓練班識,好似喺台慶或歡樂滿東華跳舞表演中,有日於排舞室外走廊同佢迎面擦身而過,見一個女仔冇化妝,嘩好正呀!我即刻問訓練班同學仔佢係邊個,先知佢係做娛樂直播,之後用網上通訊聊天工具add佢做朋友,上網聊天慢慢認識。」

愛妻宣言二:太太係好女人

張頴康 跟太太麥雅緻於2012年拉埋天窗,問到為何於事業未成時結婚,佢表示:「因為我想早啲過簡單家庭生活,好早認定麥雅緻係我呢世冇可能再搵到咁好嘅女人,所以我膽粗粗向佢求婚,而佢又膽粗粗唔怕死嫁俾我,所以就變成個家庭。」而麥雅緻於2014年為張頴康誕下女兒雅喬,一家三口經常周圍飛度天倫!

下頁:太太叻又靚

愛妻宣言三:太太叻又靚

提到太太優點, 張頴康 講唔停口:「老婆叻又靚,娶到佢值頭自豪啦!邊有可能搵到個咁靚咁叻嘅女人,所以點解要結婚,係唔可以放過咁好嘅女人!我老婆又叻又靚女又知慳識儉又幫我管理財務,呢類女人真係好難搵!」

13418933_1602794230012680_8048884917976511630_n

愛妻宣言四:怕老婆係啱

問到係咪怕老婆, 張頴康 不諱言:「怕老婆會發展得好是對的,其實唔係怕係尊重,咁太太叻啲指引條路你行,跟住行自然發展得好啲快啲,否則亂衝亂撞發展得差啲!若有朝一日我發達,就可以印證呢句說話!」

1917684_1566789810279789_7462397024959864140_n

愛妻宣言五:愛太太一生一世

提到當年結婚時流淚感動場面, 張頴康 坦言:「當日真係好緊張,眼淚不期然流下來,因為覺得終於搵到個陪你一生一世嘅人,你會好感恩好感動,所以自然有眼淚流出來。」

來源:東方新地

更多精選內容