被雙親遺棄 張頴康 眼濕濕講孤苦童年

被雙親遺棄 張頴康 眼濕濕講孤苦童年

《一屋老友記》「三寶」 張頴康 不論劇中同現實中都係廿四孝老公,絕對係好男人典範!不過, 張頴康 依家雖然事業及家庭兩得意,但係受訪時表示,小時候被雙親遺棄,缺乏父母愛,過着孤苦童年!

 

母出走 父另娶

一向十分重視家庭嘅34歲張頴康,雖然依家娶得又叻又靚太太麥雅緻,又有兩歲可愛女兒小豆,一家三口樂也融融!不過,每當提起童年往事,張頴康即變得木無表情,雙眼通紅,情緒快失控!原來張頴康4歲時,母親便離家出走,從此杳無音訊!到張頴康十歲時,父親返內地另娶妻,自此父子兩地相隔,甚少來往, 關係變得疏離!他亦承認依家仍記掛住母親,就算入行後仍用真名,目的希望有朝母子相認!「三十年冇見,大家都失咗聯絡,我keep住用真名,因為只要佢在世的話,就會睇到我!」

被雙親遺棄後,張頴康由祖母照顧,性格開始變得內向,沉默寡言!張頴康表示,雖然阿媽出走三十年,但就算長大後,都冇搬離跟阿嫲同住嘅屋,因為佢仍 希望能同母親團聚!直至廿歲由於屋企太細,佢先唔情願遷出。「阿媽走嘅時候我得4歲,當時係同阿嫲住,相信佢會記得阿嫲地址,但上年阿嫲過咗身。如佢想搵 番我,可以去電視台。」

下頁:早結婚治傷口

早結婚治傷口

因為自小被雙親遺棄,令張頴康內心深處留下不能磨滅嘅傷痕!對於母親不顧而去,張頴康說:「我出世佢先得18歲,太後生。我係有嬲佢點解唔搵我,但 同時間我好嬲自己,其實佢當日有拉我走,但我冇跟到,所以好矛盾。」由於童年完全缺乏愛,所以張頴康長大後,一直想盡快組織家庭,以彌補小時候嘅遺憾!因 此,就算2012年事業未有成,張頴康仍膽粗粗迎娶麥雅緻,而佢似乎冇受童年不快事影響,極之享受家庭生活,「依家自己有頭家,冇唔開心,老婆會安慰我, 彌補咗我呢樣嘢。」而於2014年,麥雅緻更為佢誕下女兒小豆,張頴康亦好享受天倫樂,唔使開工便陪家人,入行十年更係零緋聞,簡直係絕種好男人!

期待又怕受傷害

雖然依家事業有起色,家庭生活又美滿,但張頴康坦言,每逢自己生日或為別人慶祝,都會觸景傷情,「小學時,因為同學會笑我冇阿媽,會同佢哋打交,而最掛住佢日子就係我生日!」若真有一日跟母親相見,張頴康眼濕濕說:「唔敢諗呢個畫面,但你問我想唔想見佢,我梗係想!」

原文:東方新地

更多精選內容