混血模媽Cara.G 產後復工拒坐月

混血模媽Cara.G 產後復工拒坐月

來自澳洲的混血名模Cara G Mcilroy ( Cara G),去年初下嫁加拿大男模JesperMcilroy,旋即造人成功,今年三月誕下囡囡India Wilde,過程有驚無險,由陣痛到分娩足足37小時,India更被發現肺部有液體,擔心影響呼吸,一度入住深切治療部(ICU),幸好無大礙。女人產後需要坐月進補,飲湯食補品樣樣做到足,外國人Cara卻完全相反,產後五日即復工,沒坐月進補、沒湯水、沒用薑水沖涼,果汁照飲,繼續崇尚健康有機飲食,依然奶水充足,母乳餵足半年,更被友人取Cara產後五日隨即為生意 笑她是「乳牛」!

1
Cara產後五日隨即為生意復工,亦得到丈夫Jesper支持,近月她亦復出繼續模特兒事業,決不甘於停工做湊仔婆,她坦言喜歡做生意、做model、做媽媽, 能做到喜歡的工作,才是生活的動力。

產前食壽司

外國人百無禁忌,Cara產前產後一啖湯水沒飲過,產前還在醫院食壽司,「當時我好想食壽司,所以我朋友買咗盒壽司來醫院探我,護士一見到即刻nonono!大肚婆食壽司生冷嘢係大忌!但我照食。」其實Cara並非任性提早復工,只是她的果汁生意正計劃擴張,希望事事跟到足,不想擔子全落在拍檔身上,「我生女期間,我間果汁店有好多嘢轉,包括喺ifc開分店,我想確保一切按計劃順利進行,我未大肚前已經開始搞,唔
想就咁掉低俾拍檔一個人跟晒。」身為model兼攝影師的丈夫Jesper一直從旁支持她,操刀為太太的生意做拍攝工作,更重要是精神上支持,Cara說:「兼顧工作同湊女好大壓力,好彩佢一直支持我,又主動幫手湊女。」

Cara毫不吝嗇美好身段,與囡囡一同show quali。
Cara毫不吝嗇美好身段,與囡囡一同show quali。

BB未滿月照帶出街

她揚言身體沒大影響,只是產後第三周一次扁桃腺發炎,「嗰次要入院,我覺得筋疲力盡,但我依然繼續工作。中國人產後停工休息成個月,但之後好難修身,我生完即刻復工走來走去,又帶埋India跟我四圍去。」BB未滿月就帶出街,Cara不怕她易受感染,寧願早些讓她接觸不同環境,好過困在家中,只需要提防她的小手亂摸就夠。Cara湊女親力親為,沒刻意運動都能修身,迅速回復產前體態,「我餵了母乳六個月,有助我減磅,產後三個月我身體回復後,我開始做番運動、恢復健康飲食同果汁排毒(Detox Juice,以果汁取代三餐,維持身體功能和排走毒素)。」Cara每朝必食兩隻有機蛋、多士及一支綠色果汁,例如加入菠菜、芹菜、蘋果、檸檬、歐芹等;午餐及晚餐則變化較多,以沙律、意大利麵為主,並隨身攜帶健康小食如天然果仁、燕麥條等果腹,她強調健康食物要raw and organic,「唔需要100%有機,但會盡量多吃。」別以為她沒坐月、沒進補、茹素又身形瘦削就沒奶水,她透露自己奶水勁多,懷孕期間主要進食有機食物及飲新鮮果汁,未知有沒關係,「唔知係我好彩,定係關果汁事,但我好肯定India喺我餵哺下非常健康,到依家未病過一次,相信同我嘅日常飲食有關。」

910

「印度B」集多元血統

Cara來自澳洲,混有中、泰、德、瑞士、愛爾蘭等血統,家人居住新加坡;而Jesper是加拿大人,在美國長
大,但家人來自丹麥,所以India可謂集合多元血統於一身。為女兒取名非兩人族裔的「印度」,是源於兩人對印度的感覺,Jesper解釋:「印度係一個野生、美麗、宏偉嘅地方,充滿魔法同神秘感,我哋都希望個女係咁,去經歷地球美麗同神奇之處。」Cara非常嚮往印度的神秘感,喜歡當地有很多動物,「我好鍾意India呢個名,就同Jesper提議改呢個名,我哋好開心最後揀咗India Wilde,非常切合佢性格,佢充滿野外精神,對每件事物都好有興趣。」

半歲大飛遍歐亞

在教女上, 兩人會好好利用多元種族優勢,Cara說:「我哋一定會利用所有文化,去教育佢所有嘢,例如帶佢返家鄉探親,去旅行放眼世界,讀萬卷書不如行萬里路,一定會俾佢親自看清世界。」兩人言出必行,八個月大的India已走遍歐亞多地,個半月大已踏上人生首個旅程——泰國,之後還飛到倫敦、西班牙、丹麥、峇里等地,最神奇是India非常享受搭飛機,完全沒喊,Cara形容囡囡是機上完美BB,「好多人見到咁細個BB上機,一定好驚,心諗天呀,千祈唔好坐我附近,事實上佢喺機上好乖,落機嗰陣好多人讚,佢係一個完美嘅旅行BB。」搭飛機沒難度,最可怕卻是回程返家,Cara回憶道:「India有嚴重時差問題,返屋企後兩星期瞓唔到覺,簡直係一個惡夢!」

Jesper身兼攝影師,妻女就是他的最佳model。
Jesper身兼攝影師,妻女就是他的最佳model。

未決定紮根香港

母愛泛濫的Cara有女萬事足,她亦沒因為囡囡而冷落丈夫,兩人抱着女兒,依然行到邊咀到邊,羨煞旁人,Cara十分滿足現時生活,「BB帶來好多愛,令我哋生活更加美好,雖然做在職媽咪好,但當佢對住你笑,幾都冇所謂,佢令到世界更完美,亦令我工作更有動力。雖然工作同家庭好難平衡,但為咗家人我會盡力,我知道好難搵到完美解決方法,但我唔會放棄,我熱愛做生意、做model、做媽媽,我覺得自己每日都有進步。」Cara十分享受在港生活,香港為她帶來生命中最重要的兩人,BB是香港製造,亦是與丈夫Jesper相識的地方。在這裏事業家庭兩得意,但將來需為女兒考慮,香港是否適合女兒成長?香港讀書競爭大,求學需要求分數,與兩人的探索世界、快樂學習的育兒方針有分別,Jesper指兩人仍未有決定,「我哋對任何可能性持開放態度,仲未有最後決定,香港擁有一個優勢,就係學好中文呢個重要語言,香港亦擁有多元文化,背靠中國,亦有好多來自世界各地嘅人,喺度有機會認識好多不同國家人士,都係好寶貴。」被問到有冇計劃生第二胎,Jesper指未有打算,Cara卻搶答自己打算明年下旬再懷孕,屆時India將近兩歲,「我唔想兩個小朋友年齡相差太遠,又唔會太近。」Jesper才恍然大悟,「原來有人已經計劃好,哈哈!」Cara表示生男生女沒所謂,最緊要是healthy baby,「有多個小女孩都幾有趣,我覺得我哋會有一屋女人,組番個girly family!」

 

●撰文:Ling

●攝影:黃大立( 部分相片由受訪者提供)

更多精選內容