跟老公浪漫是必須的啊

跟老公浪漫是必須的啊

今日好開心,多謝公公婆婆照顧謹子,讓我們可以二人世界慶祝,好好享受彼此,浪漫一下。大金毛負責下午的節目,我就當然負責晚上節目啦。
我揀左去王子公主餐廳,上次帶謹子黎已經好鐘意,今日二人世界再返黎,好浪漫的一餐Anniversary Dinner

今日好完美好開心,無話做咩fancy野,但我好感覺到老公為我花的心思。個傻佬前幾晚話” I feel so much pressure 呀!”仲以為佢講咩,原來佢話驚我今日失望,我話當然唔會啦,佢請半日假同我去慶祝,又諗埋節目,其實對一個女人黎講,已經好足夠,我真的已經好滿足好滿足。
一早起身,送左第一份熱身禮物比我,係一個Swarovski 的化妝袋,我第一時間笑爆佢知道係贈品,佢話係呀,因為買夠一個金額,所以送比佢唔好晒,一早要玩下我。個傻瓜準備左三份禮物係今日不同時間送比我,因為係三周年,所以有三份禮物。我老公有時真的好可愛,佢竟然買左三對不同款式的水晶耳環,佢話買果時,Sales姐姐都忍不住問佢係咪買比三個唔同既女朋友 哈哈 ,佢話買水晶是因為古時話三周年是Leather Anniversary ,但現在叫Crystal Anniversary ,所以就買水晶比我,哈哈!點諗到三份都是耳環,你話佢係咪cute得滯

不過我真心好鐘意,三對都不同款式,好靚好靚,心意更是10000分!當然還有佢親手做的Wilkie Card 啦!
今日真係好開心,忍唔住要再講,真係好開心!
今日比人錫左好多啖攬左好多下,其實咁就已經好足夠好足夠!滿滿的愛既三周年!
P.S. 王子公主餐廳真名係The Royal Touch Bakery Cafe HK,我叫王子公主餐廳係因為大廚真來自英國皇室,好夢幻呢, 嘻嘻!

13880141_637606913081997_2612332907789488872_n

更多精選內容