pokemon熱潮

pokemon熱潮

專欄

廣告

呢個幾禮拜潮興起玩pokemon go,但其實上個禮拜我喺日本東京嘅時候,已經見到Pokemon 嘅威力,東京市內好多大型商場都有超大間pokemon 商店,就係我哋住嘅池袋sunshine city 入邊嘅商場就有一間,嗰度除咗門口有一隻好大隻嘅display 比卡超公仔之外,有一條好長好長嘅人龍等比錢,鍾情迪士尼公主嘅我同埋囡囡Jasmine雙眼冇發青光,喺鋪內?咗一個圈就走左啦!

 

過咗兩日去咗sky tree嘅商場,又見到一間好大間嘅pokemon 商店,而上次幫襯過嘅卡樂B餐廳就唔見左啦。

去東京當然唔少得shopping啦,我就最鍾意買肯定迪士尼商品嘅It’s demo ,因為嗰度有好多茉莉小公主Jasmine嘅貨品,手袋,八達通牌,毛巾,指甲油等一應俱全。

啱啱三月去完呢達地方,估唔到七月啲款已經唔同晒,仲多咗宜家最潮興嘅pokemon 限定貨品,啲款真係好靚,我都入左啲比囡囡Jasmine玩。

講到東京吸引我哋之處,一定要提及日本迪士尼同埋市內不同大細嘅迪士尼商店。呢度嘅迪士尼商店同歐洲嘅唔同,所以即使我哋每年返英國會買歐洲款式嘅迪士尼貨品,以係日本商店就買到日本特別版!Jasmine 入到去真係揀到唔停手,每次都滿載而歸,但係由於我哋之後會去日本Disney Sea 玩,所以都忍手買少啲等去Disney Sea 先再瘋狂shopping啦!

6歲嘅Jasmine越嚟越貪靚,媽咪去行化妝品店嘅時候,佢都會不停試用化妝品,自己揀指甲油,仲係咁話要敷mask添啊!