藍精靈, 十分勁, 海港城, harbourcity, hcart, smurfshk

「十分勁」朋友返嚟喇!

專欄

廣告

身為 3 個囝囡嘅媽媽, 其中一件育兒大事, 就係抽時間同佢哋獨處, 將母愛平均分畀佢哋, 而我今日就同細囡 Kassy 兩個過二人世界, 去搵我細細個嘅老友記, 藍精靈!

「藍精靈」呢 3 個字已經「十分勁」, 估唔到連佢哋嘅亞洲巡迴展覽都一樣咁勁! 勁到平時怕怕醜醜嘅 Kassy, 都畀一眾魅力十足嘅 characters 吸引, 好主動走埋去影相!

後面間蘑菇屋有成6米咁高㗎!

藍精靈爸爸同美芝都歡迎我哋嚟呀!

入到蘑菇屋, Kassy 就幫藍精靈爸爸整魔法藥水喇!

`

出返嚟, 一齊坐沙灘椅曬大陽!

`

百厭星又整蠱論盡仔呀!

`

玩氹氹轉超開心!

`

單手撐起! 勁呀!

`

大力啲! ^^

`

阿愁fd子? 哈哈哈……

`

喺外面同一班可愛嘅藍精靈影完相後, 我哋就入海港城玩遊戲.

其中一個係玩藍、白二色嘅紙黏土.

製作好簡單, 首先搓圓圈,整成一粒粒.

跟住拼埋,用牙簽將身體拮埋一齊.

再用膠水將咀同眼黐上去.

最後, 將搓到一條條嘅手手腳腳拍埋去,

就完成呢個 cute 版紙黏土藍精靈喇!

Kassy 將紙黏土搓圓撳扁, 玩得好開心, 又訓練到佢嘅小手肌, good 呀!

`

食啲嘢, 抖一抖先!

我哋食咗啲藍精靈主題 snack, 個爆谷好特別, 有藍黃色同紅色兩種.

呢啲甜爆谷又凍又識出煙, 喺大熱天時食, 真係透心涼!

Kassy 同我都係第一次食凍嘅爆谷, 好興奮呀!

而嘢飲就有藍色嘅 lemonade, 酸 maymay, 充滿夏日感覺!

`

跟住再入另一間屋仔, 繼續玩……

數學題: 有幾多隻藍精靈咁高呢?

`

Kassy 成功將三個蘋果疊高, 所以得到一個蘋果做禮物! 叻囡!

`

而呢個遊戲, 就係將抽出嚟嘅 character 圖像, 搵返佢個名, 玩完會有一個靚靚氣球做禮物! ^^

`

有禮物都唔夠? 將藍精靈黐上手仔度啦!

小朋友最鍾意印水紙,有多個款式揀, Kassy 就揀咗手鍊.

`

藍精靈卡通歷史悠久, 不過都與時並進.

只要用大會指定嘅 app 影相, 就會有立體嘅藍精靈.

睇吓! Kassy 好似同藍精靈 selfie 呀!

家長們記得向主辦單位查詢點下載呀! ^^

`

後記

Kassy 同我呢半日玩得好開心, 喺室外玩完影完相, 跟住可以入室內靜靜哋涼吓冷氣 cool down,

做吓勞作, 食吓 snack, 輕輕鬆鬆.

最重要係將我兒時好朋友介紹畀 Kassy 識,

Kassy 都好鍾意佢哋呀! ^^

`

`

FB: KeicyKK