蓋被方法

冬天正確蓋被方法

熱話

廣告

呢兩星期香港氣溫真係凍咗好多,之前有外國氣象話香港會落雪,不過香港天文台已經否認呢個講法,咁即係唔會好凍?非也,因為仲有一股西伯利亞的超級寒潮殺到,天文台預計星期六會跌至9度,星期一更會進一步跌至7度,早排先廿幾度,突然咁凍,大家要做足保暖準備!講到保暖,不得不同大家分享正確「冚被」方法。

唔知大家有冇同感?一到冬天,入被兜第一下最凍,如果天氣凍,個被兜好似瞓極都唔暖咁,咁你一定要試下日本睡眠專家提供嘅呢個方法。怕凍嘅人都都會冚兩張被瞓,覺得咁樣會暖啲,呢個諗法其實係啱嘅,但如果冚錯咗係保唔暖架!

日本睡眠專家表示,一般人先蓋毯子,上面再蓋一層羽絨被的方式其實是錯的,這樣完全無法鎖住溫度。

這樣的順序是錯的
你→薄毯→羽絨被

下頁:正確冚被方法

專家話知唔知冚羽絨被嘅作用係咩?咪就係想好似動物咁用一層羽毛阻隔身體,防止熱量流失!所以應該直接將羽絨被冚喺身上,作為熱能的隔絕層。

咁薄毯呢?再冚喺上面?專家認為,只要羽絨被有一定品質,就可以有效保留體溫,不一定要冚喺身;多嘅一層薄被其實可以墊在身體下面,減少背部熱能散失。

正確的冚被方法
薄毯→你→羽絨被

如果你好怕凍,就一定要用呢個方法冚被,小編自己親身試過,真係暖好多,保暖度感覺簡直提升200%!後遺症係朝朝早都好難起到身,人醒咗都唔想爬出被兜!
相片摘自網絡